Popular Bible Verses from بیرینجی نامه‌، قُرِنتلی‌لَره 13

Share

مُحبّت، صَبر واری و مهربان دیر؛ مُحبّت، حَسودلیگ یا دا غَرّه‌لیگ ائدمئیر و تَکبّرلی ده‌ییل. مُحبّت، تربیت‌سیز ده‌ییل و خودخواه ده‌ییل؛ مُحبّت، تئز خشم ائدمئیر یا دا کینه ائدمئیر.

مُحبّت، واری زاد اینان مُدارا ائدیر، واری زادی اینانیر، واری زاددا امید واری و واری زاددا استقامت ائدیر.

مُحبّت، پیس‌لیگدَن خوشحال اولمئیر، بلکی حَقیقت اینن شادلیگ ائدیر.

پس ایندی بو اؤچ زاد قالیر: ایمان، امید و مُحبّت. آما بوللارینگ ائنگ بویوکو، مُحبّت دیر.

مُحبّت، هئچ وَخت تؤکنمئیر. نَبوّت‌لَر، آرادان گئده‌رلَر؛ آیری دیللَره دانیشماک تؤکنَر و مَعرفت دا آرادان گئده‌ر.

اگر من آدام‌لار و فرشته‌لَر دیل‌لَرینه دانیشام، آما مُحبّت یوخوم اولا، بیر سَسی اوجا سنج یا دا بیر ایچی خالی طَبلم.

اگر نَبوّت ائدمَک قُدرت‌لَرینی واریم اولا و واری سِرّلَری و واری مَعرفتی آنگلایام و اگر ایمانی تمام و کمال واریم اولا ائله کی داغ‌لاری ترپدَم آما مُحبّت یوخوم اولا، هئچَم.

اگر هَر نه‌یی کی واریم وئرَم و اگر اؤز بدنیمی تسلیم ائدَم تا اوتدا یانا، آما مُحبّت یوخوم اولا، منیم ایچی هئچ فایده یوخو.

اوندا کی اوشاق ائدیم، بیر اوشاق له‌یین دانیشدیم، بیر اوشاق له‌یین آنگلادیم و بیر اوشاق له‌یین ده فکر ائدیم. اوندا کی کیشی اولدوم، اوشاق له‌یین رووآل‌ ائدمَکی ویل ائدیم.