مکاشِفۀ یوحنا 10
10
فرشتَه وِ طومارِ کِچِلو
1اوسِه دییُم فرشتۀ زورداری دَ وَ آسَمون ایومَه دومِن که بِی اُوری پوشییَه وابییَه بی وِ قوسوقَزَحی وَ بالِی سَرِش بی، وِ ریش مِی اَفتو بی وِ پایَلِش مِی سِتونَلِ تَش. 2مِنِه دَسِش طومارِ کِچِلوِ واز وابییَهای بی. فرشتَه پِی راسِشَه نَها وَ ری دریا وِ پِی چَپِشَه نَها وَ ری خشکی. 3وِ بِی صییِی بِلَندی مِی نعرۀ شیر قیرَه زَه، وِ موقِی که قیرَه زَه، هَف قُرُمتراق وَ صیا اومَن وِ گَپ زَن. 4وِ موقِی که او هَف قُرُمتراق گَپ زَن، مِ خواسُم بِنویسُم؛ امّا صییِی وَ آسَمون اِشنُفتُم که ایگُت: «اوچیئی نَه که او هَف قُرُمتراق گُتِنِه، مُهرِموم کُ وِ نَنِویس.»
5اوسِه او فرشتهای نَه که دییَه بییُم وَ ری دریا وِ خشکی وِیسایِه، دَسِ راسِشَه وَ آسَمون بِلَند کِه 6وُ وَ او کسی که تا ابدالآباد زِندَه یَه وِ آسَمون وِ هر چیئی که مِنِشِه وِ زمین وِ هر چیئی که مِنِشِه وِ دریا وِ هر چیئی که مِنِشِه آفَرییِه، قَسَم خَه که دَ کار نییُفتِه واپَس. 7بَلکَم مِنِه او روزَلی که فرشتۀ هفتُم شیپورِشَه وَ صیا ایدَرارِه، سِرِّ خدا وَ تَمومی اَنجوم ایابو، هَموطو که وَ خادِمَلِ خُوش یعنی پیغَمبَرَل، اعلام کِه.»
8اوسِه او صیایی که وَ آسَمون اِشنُفتَه بییُم اُمبلا بام گَپ زَه وِ گُت: «بِرَه طومارِ واز وابییَه نَه که مِنِه دَسِ فرشتهای یَه که وِیسایِه وَ ری دریا وِ خشکی، بِسون.» 9پَ مِ رَتُم وَ طرفِ او فرشتَه وُ وَش گُتُم که طومارِ کِچِلو نَه وَم بییِه. فرشتَه وَم گُت: «بِگِرِش وِ بِخَرِش! مِنکِمَتَه تَل ایکِنِه، امّا مِنِه دِهونِت مِی عسل شیرین ایابو.» 10طومارِ کِچِلو نَه وَ دَسِ فرشتَه اِسَم وِ خَردِمِش. مِنِه دِهونُم مِی عسل شیرین بی، امّا وَختی خَردِمِش، مِنکِمَم تَل وابی. 11وِ وَم گُتِن: «تِ بایِس اُمبلا درموردِ قومَل وِ مِلَتَل وِ زُوونَل وِ پادِشایَلِ زیادی نبوت کِنی.»
Currently Selected:
مکاشِفۀ یوحنا 10: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
