Popular Bible Verses from مکاشِفۀ یوحنا 10

Share

بَلکَم مِنِه او روزَلی که فرشتۀ هفتُم شیپورِشَه وَ صیا ایدَرارِه، سِرِّ خدا وَ تَمومی اَنجوم ایابو، هَموطو که وَ خادِمَلِ خُوش یعنی پیغَمبَرَل، اعلام کِه.»

وِ وَم گُتِن: «تِ بایِس اُمبلا درموردِ قومَل وِ مِلَتَل وِ زُوونَل وِ پادِشایَلِ زیادی نبوت کِنی.»

اوسِه دییُم فرشتۀ زورداری دَ وَ آسَمون ایومَه دومِن که بِی اُوری پوشییَه وابی‌یَه بی وِ قوس‌و‌قَزَحی وَ بالِی سَرِش بی، وِ ریش مِی اَفتو بی وِ پایَلِش مِی سِتونَلِ تَش.

پَ مِ رَتُم وَ طرفِ او فرشتَه وُ وَش گُتُم که طومارِ کِچِلو نَه وَم بییِه. فرشتَه وَم گُت: «بِگِرِش وِ بِخَرِش! مِن‌کِمَتَه تَل ایکِنِه، امّا مِنِه دِهونِت مِی عسل شیرین ایابو.» طومارِ کِچِلو نَه وَ دَسِ فرشتَه اِسَم وِ خَردِمِش. مِنِه دِهونُم مِی عسل شیرین بی، امّا وَختی خَردِمِش، مِن‌کِمَم تَل وابی.