نامَه اوّل تیموتائوس 2
2
دعا اَسِی هَمَهِ مردم
1پَ، کَبل از هرچی، اصرار اَکنام که خواهش و تمنائیا، دعائیا، شفاعتیا و شکر کِردَیّا، اَنجوم بِبِه، اَسِی هَمَهِ مردم، 2اَسِی پادشاهیا و هَمَهِ کسِی که صاحب مَکام و منصب هِت، تا مُبِشابِه زندگِنِ آرومی خاد صلح مُبِه، از هر نظر دیندار و سنگین رنگین. 3اَسِی که اِ خَشِه و باب دِلِه تِی چَش نجاتدَهندَمو خدا 4مِ خدائا که شَئِه هَمَهِ مردم نجات پیدا بِکنِت و اُ شناخت حکیکت بِرَسِت. 5اَسِی که یَک خدا هَه، و بین خدا و آدامیا هم یَک واسطَه هَه، یعنی مِ انسانا که مسیحْ عیسائِه، 6که جونُش اُشدَ تا آزادِنِ هَمَهِ آدامیا بِخِلِه. اُ اِ حکیکتا تِی زَمون وَلم شهادت دَدَ بو. 7ما وَخاطر هَمِ انتخاب بُدام تا یَک اعلام کنندَه و یَک حَواری بام، و تِی ایمون و حکیکت یَک معلم اَسِی غیریهودِنیا بام. ما راست اَگام، دارُو ناگام.
8پَ آرزوم اِئِه که مَردیا مَجا، بدون تَریخ بُدَ یا جَر و مُرافِعَه، دستِی مکدّسشو اَسِی دعا بلند آکنِت. 9هَمینا هم مَئِه که زنیا جُمَهِ آبرومند اُبار کِنِت، و با حیا و خاد خوددار بُدَ اُ خوشو جوهو بِکنِت، نِه وَ بُشک بَلُکِ و طلا یا مروارید، یا جُمَه گِرو، 10بلکه هَموناکِه شایستَهِ زنِییه که ادعا اَکنِت دیندار هِت اُ خوشو وَ کَرِی خَش جوهو بِکنِت.
11بِهِر زن بی سر و صدا و خاد اطاعت کامل، تعلیم بِگِرِ. 12ما ناهِرام که زن تعلیم هادَ یا اُ مرد تسلط اُشبِه، بلکه باید آروم وامانِه. 13اَسِی که اوّل اُ آدام شِکل دَدَ بو، بعد اُ حَوّا. 14و آدام گول اُشنِخَه، بلکه زن گول اُشخَه و تخصیرکار بو. 15ولی زن اُ واسطَهِ بَچ آوری نجات پیدا اَکو، اَگَه آنایا تِی ایمون و محبت و مکدّس بُدَ، وَ خودداری ادامَه هاتِت.
Currently Selected:
نامَه اوّل تیموتائوس 2: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
