Popular Bible Verses from نامَه اوّل تیموتائوس 2

Share

اَسِی که یَک خدا هَه، و بین خدا و آدامیا هم یَک واسطَه هَه، یعنی مِ انسانا که مسیحْ عیسائِه، که جونُش اُشدَ تا آزادِنِ هَمَهِ آدامیا بِخِلِه. اُ اِ حکیکتا تِی زَمون وَلم شهادت دَدَ بو.

پَ، کَبل از هرچی، اصرار اَکنام که خواهش و تمنائیا، دعائیا، شفاعتیا و شکر کِردَیّا، اَنجوم بِبِه، اَسِی هَمَهِ مردم، اَسِی پادشاهیا و هَمَهِ کسِی که صاحب مَکام و منصب هِت، تا مُبِشابِه زندگِنِ آرومی خاد صلح مُبِه، از هر نظر دیندار و سنگین رنگین.

پَ آرزوم اِئِه که مَردیا مَجا، بدون تَریخ بُدَ یا جَر و مُرافِعَه، دستِی مکدّسشو اَسِی دعا بلند آکنِت. هَمینا هم مَئِه که زنیا جُمَهِ آبرومند اُبار کِنِت، و با حیا و خاد خوددار بُدَ اُ خوشو جوهو بِکنِت، نِه وَ بُشک بَلُکِ و طلا یا مروارید، یا جُمَه گِرو، بلکه هَموناکِه شایستَهِ زنِی‌یه که ادعا اَکنِت دیندار هِت اُ خوشو وَ کَرِی خَش جوهو بِکنِت.