نُومَه وِ کلیسا غَلاطیَه 6
6
باریا یَکتِری نِه کولکَش بَکیت
1اِ بِرارُو، اَر یَکی خبطی بَکَه، شِما کِه روحِ خدا نِه داریت بایِس وا روحی مِلوم وَه نِه وِرگَردِنیت. حَواسِتُو وِ خُوتُو با تا شِما هَم نِفتیت دِ اِمتحُو. 2باریا یَکتِری نِه کولکَش بَکیت، وَ چِنی شریعتِ مسیحِ نهِ وِجا بیاریت. 3سی یَکه اَر یَکی خُوشِه چیئی وِ حِسُو بیارَه کِه نی، خُوشِه گول مِیئَه. 4اما هَر کَه بایِس کارِ خُوشِه اِمتحُو بَکَه. اوسِه وِ خُوش اَ کِه دَلیلی سی بالَنِه دارَه، نَه وِ هُمساش. 5سی یَکه هَر کَه بایِس بارِ خُوشِه بُورَه.
6وَه کِه دِ کلُومِ خدا تعلیم مِئیرَه، گِردِ چیا خو نِه وا وَه کِه تعلیمِش مِیئَه بَر بَکَه.
7گول نُحُوریت، نِموئَه خدا نِه مسخِرَه کِرد. سی یَکِه آیِم هَر چی بَکارَه، هِه وَه نِه دِرُو میکَه. 8سی یَکِه هَر کَه دِ جسمِ خُوش بَکارَه، دِ جسم خِرُوی دِرُو میکَه؛ اما وَه کِه دِ روحِ خدا بَکارَه، دِ روحِ خدا حیاتِ ابدی دِرُو میکَه. 9پس دِ خوئی کِردِه دِلسرد نوئیم، سی یَکه اَر شَکَت نوئیم، وِ وَختِش دِرُو میکیم. 10پس تا مِجال داریم، وِ گِردِ مردِم خوئی بَکیم، بخصوص وِ ایمُوداریا وِ مسیح.
هُشتاریا آخِر
11سِیل بَکیت وا دَسخطِ خُوم چَنی قِوی قِوی سیتُو نیسَنِمَه! 12وِنُو کِه میحان خُوشُو نِه وِ ظاهر خو نِشُو بِئَن، وادارتُو میکَن ختنَه بایت، تا وِ سُنَه صلیبِ مسیح عَذُو نَکَشَن. 13سی یَکه وِنُو کِه ختنَه بینَه حتی خُوشُو شریعتِ نِه نِئَه نِمیارَن، بلکِم میحان شِما نِه ختنَه بَکَن تا دِ جسمِ شِما وِ خُوشُو بَبالنَن. 14اما دیر زِ ریم کِه بَبالنِم، مَر وِ صلیبِ خداوندِمُو عیسی مسیح، کِه توسطِ او دنیا سی مِه وِ صلیب بی وَ مِه سی دنیا. 15سی یَکِه نَه ختنَهبییِه چیئی اَ وَ نَه ختنَهنِویِه؛ بَلکِم تَنیا خلقتِ نو. 16وَ صُولوُسِلا وَ رَحمَت وِ ری اسرائیلِ خدا وَ وِ ری گِردِ وِنُونی با کِه وِ ایی قانون رفتار میکَن.
17دِ ایسِه وادِما هیچ کَه مِه نِه عَذُو نِئَه، سی یَکه داغیائی وِ ری بدنِم دارِم کِه نِشُو مِیئَه مِه غُلِمِ عیسیآم.
18اِ بِرارُو، فیضِ خداوندِ اِیما عیسی مسیح وا روحِ شِما با! آمین!
Currently Selected:
نُومَه وِ کلیسا غَلاطیَه 6: NLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
