Popular Bible Verses from نُومَه وِ کلیسا غَلاطیَه 6

Share

پس دِ خوئی کِردِه دِلسرد نوئیم، سی یَکه اَر شَکَت نوئیم، وِ وَختِش دِرُو می‌کیم.

پس تا مِجال داریم، وِ گِردِ مردِم خوئی بَکیم، بخصوص وِ ایمُوداریا وِ مسیح.

باریا یَکتِری نِه کول‌کَش بَکیت، وَ چِنی شریعتِ مسیحِ نهِ وِجا بیاریت.

گول نُحُوریت، نِموئَه خدا نِه مسخِرَه کِرد. سی یَکِه آیِم هَر چی بَکارَه، هِه وَه نِه دِرُو می‌کَه.

سی یَکِه هَر کَه دِ جسمِ خُوش بَکارَه، دِ جسم خِرُوی دِرُو می‌کَه؛ اما وَه کِه دِ روحِ خدا بَکارَه، دِ روحِ خدا حیاتِ ابدی دِرُو می‌کَه.

اِ بِرارُو، اَر یَکی خبطی بَکَه، شِما کِه روحِ خدا نِه داریت بایِس وا روحی مِلوم وَه نِه وِرگَردِنیت. حَواسِتُو وِ خُوتُو با تا شِما هَم نِفتیت دِ اِمتحُو.

سی یَکه اَر یَکی خُوشِه چیئی وِ حِسُو بیارَه کِه نی، خُوشِه گول مِی‌ئَه. اما هَر کَه بایِس کارِ خُوشِه اِمتحُو بَکَه. اوسِه وِ خُوش اَ کِه دَلیلی سی بالَنِه دارَه، نَه وِ هُمساش. سی یَکه هَر کَه بایِس بارِ خُوشِه بُورَه.