1 Peter 5
5
1ထို့ကြောင့် အသင်းတော်ခေါင်းဆောင်တစ်ဦးဖြစ်ပြီး ခရစ်တော်ခံရသော ဆင်းရဲဒုက္ခကို မျက်မြင်သက်သေခံသူဖြစ်ပြီး ပေါ်လွင်ထင်ရှားလာမည့် ကိုယ်တော်၏ ဘုန်းအသရေတော်များကို ဝေမျှခံစားမည့်သူလည်းဖြစ်သော ကျွန်ုပ်သည် သင်တို့ထဲမှ အသင်းတော်ခေါင်းဆောင်များကို တိုက်တွန်းနှိုးဆော်လိုပါသည်။ 2သင်တို့သည် ဘုရားရှင်၏သိုးအုပ်နှင့်တူသည့် အသင်းသားများကို ကြည့်ရှုစောင့်ရှောက်ရမည်။ တာဝန် ဝတ္တရားတစ်ခုအနေနှင့်မဟုတ်ဘဲ ဘုရားရှင်၏အမှုတော်ကို လိုလိုလားလားဆောင်ရွက်ကြပါ။ အကျိုးစီးပွားအတွက်မဟုတ်ဘဲ မိမိတို့၏ စိတ်ရင်းစေတနာအမှန်ဖြင့် အုပ်ထိန်းလော့။ 3သင်တို့အား အပ်ထားသောသူတို့အား အုပ်ထိန်းရာတွင် အုပ်စိုးခြယ်လှယ်မှုမပြုဘဲ သိုးထိန်းကောင်းတစ်ဦးကဲ့သို့ စံနမူနာပြဖြစ်အောင် လုပ်ဆောင်ပါ။ 4သင်တို့၏ သိုးထိန်းကြီးပြန်ကြွလာသည့်အခါတွင် သင်တို့အား မည်သည့်အခါမှ အရောင်မမှေးမှိန်သည့် ဆုသရဖူကို ရရှိပါလိမ့်မည်။ 5ထိုနည်းတူ လူငယ်များသည် လူကြီးများ၏စကားကို နားထောင်ရမည်။ တစ်ဦးနှင့်တစ်ဦး နှိမ့်ချဆက်ဆံရမည်။ အဘယ်ကြောင့်ဆိုသော် ဘုရားရှင်သည် မာနကြီးသူများကို တားဆီးတော်မူပြီး နှိမ့်ချသူများကို ကျေးဇူးတော်ကို ခံစားစေတော်မူသည်။ 6ထို့ကြောင့် တန်ခိုးကြီးတော်မူသောဘုရားရှင်၏ ရှေ့တော်မှောက်တွင် မိမိကိုယ်ကိုနှိမ့်ချကြပါ။ အချိန်တန်လျှင် ဘုရားရှင်သည်သင်တို့အား ချီးမြှောက်တော်မူပါလိမ့်မည်။ 7ကိုယ်တော်သည် သင်တို့အားဂရုစိုက်တော်မူသောကြောင့် သင်တို့၏ပူပင်သောကဟူသမျှတို့ကို ကိုယ်တော်၏လက်တော်သို့ အပ်နှံကြပါ။ 8သမ္မာသတိတို့ဖြင့် နိုးနိုးကြားကြား စောင့်ကြည့်ကြပါ။ သင်တို့၏ရန်သူဖြစ်သော မာရ်နတ်သည် ခြင်္သေ့ကဲ့သို့ ဟိန်းဟောက်၍ ဝါးမျိုရမည့်သားကောင်အား လှည့်ပတ်ရှာဖွေလျက်ရှိသည်။ 9မိမိတို့၏ယုံကြည်ခြင်းကို ခိုင်မာစေကာ မာရ်နတ်ကို ငြင်းဆန်ကြပါ။ အဘယ်ကြောင့်ဆိုသော် ဤကမ္ဘာလောကရှိ ညီအစ်ကိုမောင်နှမများသည်လည်း ထိုကဲ့သို့သောဆင်းရဲဒုက္ခအား ကြုံတွေ့ခံစားနေရကြောင်းကို သင်တို့သိကြသောကြောင့်ဖြစ်သည်။ 10သို့သော် ဘုရားရှင်သည် သင်တို့အား ခရစ်တော်နှင့်တပေါင်းတစည်းတည်းဖြစ်စေလျက် မိမိ၏ထာဝရတည်သော ဘုန်းအသရေတော်ကို မျှဝေခံစားစေရန် ရွှေးကောက်တော်မူသည်။ ထိုကျေးဇူးတော်အပေါင်းနှင့် ပြည့်စုံတော်မူသော ဘုရားရှင်ကိုယ်တော်တိုင်သည် ခေတ္တခဏ ဆင်းရဲဒုက္ခခံစားပြီးသော သင်တို့အား ပြီးပြည့်စုံစေ၍ ခွန်အားနှင့်ပြည့်စုံစေကာ ခိုင်ခံ့မြဲမြံစေတော်မူသည်။ 11ဘုရားရှင်သည် အစဉ်ထာဝရ အုပ်စိုးတော်မူပါစေသတည်း။ အာမင်။ 12ကျွန်ုပ် ဤစာကိုရေးသားရာ၌ သိလွာနု ၏အကူအညီဖြင့်ရေးသားခြင်းဖြစ်၏။။ သူသည် သစ္စာရှိသော ဘုရားတပည့်တော်ဟု ကျွန်တော်မှတ်ယူပါသည်။ သင်တို့အား တိုက်တွန်းလိုသည်မှာ သင်တို့ခံစားရသည့် ဆုကျေးဇူးတော်တို့သည် ဘုရားရှင်ထံတော်မှ ပေးသနားတော်မူသည့် ဆုလက်ဆောင် အစစ်အမှန်ဖြစ်ကြောင်းကို သက်သေခံရန် ဤစာကို ရေးသားလိုက်ခြင်းဖြစ်ပါသည်။ 13ဘုရားရှင်၏ ရွေးကောက်တော်မူခြင်းကို သင်တို့နည်းတူ ခံရသည့် ဘေဘီလုံမြို့ရှိအသင်းတော်နှင့် ကျွန်ုပ်သားမာကုတို့သည် သင်တို့အား နှုတ်ဆက်လိုက်ပါသည်။ 14သင်တို့တစ်ဦးကိုတစ်ဦး အချင်းချင်း မေတ္တာအနမ်းဖြင့် နှုတ်ဆက်ကြပါလော့။ ခရစ်တော်၌ရှိကြသောာ သင်တို့အားလုံး၌ ငြိမ်သက်ခြင်းရှိပါစေသော။
Currently Selected:
1 Peter 5: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
