Popular Bible Verses from 1 Peter 5

Share

ကိုယ်တော်သည် သင်တို့အားဂရုစိုက်တော်မူသောကြောင့် သင်တို့၏ပူပင်သောကဟူသမျှတို့ကို ကိုယ်တော်၏လက်တော်သို့ အပ်နှံကြပါ။

သို့သော် ဘုရားရှင်သည် သင်တို့အား ခရစ်တော်နှင့်တပေါင်းတစည်းတည်းဖြစ်စေလျက် မိမိ၏ထာဝရတည်သော ဘုန်းအသရေတော်ကို မျှဝေခံစားစေရန် ရွှေးကောက်တော်မူသည်။ ထိုကျေးဇူးတော်အပေါင်းနှင့် ပြည့်စုံတော်မူသော ဘုရားရှင်ကိုယ်တော်တိုင်သည် ခေတ္တခဏ ဆင်းရဲဒုက္ခခံစားပြီးသော သင်တို့အား ပြီးပြည့်စုံစေ၍ ခွန်အားနှင့်ပြည့်စုံစေကာ ခိုင်ခံ့မြဲမြံစေတော်မူသည်။

သမ္မာသတိတို့ဖြင့် နိုးနိုးကြားကြား စောင့်ကြည့်ကြပါ။ သင်တို့၏ရန်သူဖြစ်သော မာရ်နတ်သည် ခြင်္သေ့ကဲ့သို့ ဟိန်းဟောက်၍ ဝါးမျိုရမည့်သားကောင်အား လှည့်ပတ်ရှာဖွေလျက်ရှိသည်။ မိမိတို့၏ယုံကြည်ခြင်းကို ခိုင်မာစေကာ မာရ်နတ်ကို ငြင်းဆန်ကြပါ။ အဘယ်ကြောင့်ဆိုသော် ဤကမ္ဘာလောကရှိ ညီအစ်ကိုမောင်နှမများသည်လည်း ထိုကဲ့သို့သောဆင်းရဲဒုက္ခအား ကြုံတွေ့ခံစားနေရကြောင်းကို သင်တို့သိကြသောကြောင့်ဖြစ်သည်။

ထို့ကြောင့် တန်ခိုးကြီးတော်မူသောဘုရားရှင်၏ ရှေ့တော်မှောက်တွင် မိမိကိုယ်ကိုနှိမ့်ချကြပါ။ အချိန်တန်လျှင် ဘုရားရှင်သည်သင်တို့အား ချီးမြှောက်တော်မူပါလိမ့်မည်။

ထိုနည်းတူ လူငယ်များသည် လူကြီးများ၏စကားကို နားထောင်ရမည်။ တစ်ဦးနှင့်တစ်ဦး နှိမ့်ချဆက်ဆံရမည်။ အဘယ်ကြောင့်ဆိုသော် ဘုရားရှင်သည် မာနကြီးသူများကို တားဆီးတော်မူပြီး နှိမ့်ချသူများကို ကျေးဇူးတော်ကို ခံစားစေတော်မူသည်။