St Matthew 26
26
1Kepuhgummeähyah dush, uhpe owh Jesus kahishquah‐kekedood kuhkenuh oonoo ekedoowinun, oo‐oo oogeënaun enewh ookekenooahmahgunun,
2Kekekandahnahwah bahmah keneezhoogoonahguk tahtebishkoosa uhpe kebekoosa wekoonding, owh dush Enene oogwissun puggedenah cheähgwahquahoond.
3Medush kemahoonjeëdewaud egewh keche‐sahsahgewejega‐wenenewug, kuhya egewh oozhebeëga‐wenenewug, kuhya ooketezemewaun egewh ahneshenahbag emuh oodoogemah‐weguhmigoong keche‐sahsahgewejega‐wenene Caiaphas kahezhenekahzood.
4Kuhya dush kekahkekedoowug chewahweenga‐tuhkoonahwaud enewh Jesusun, wuhyazhingawin oonje chenesahwaud dush.
5Oo‐oo dush keëkedoowug, Kahween magwah wekoonding, koonemah tahniskahjeëwawug egewh ahneshenahbag.
6Magwah dush ahyaud owh Jesus emuh Bethanying, emuh andaud owh Simon owh wamegeed,
7Oogepenaunzekahgoon pazhig enewh equawun peähyahmenid ewh alabaster muhkuhkoons kache‐ahpetandahgwuk noomenegun, oogesegenahmahgoon dush emuh ooshtequauning, magwah nuhmuhduhbid wesenid.
8Uhpe dush ookekenooahmahgunun kewahbunduhmenid, kenishkahdezewun, oo‐oo keëkedoonid, Ahneshwin oo‐oo bahnahjechegahdag?
9Tahgeähtahwam muh maunduh noomenegun, nebewah dush shooneyah tahgekushkechegahda, chemeenindwahpun egewh katemahgezejig.
10Uhpe dush Jesus kahkekandung, oo‐oo oogeënaun, Ahneshwin megooshkahjeäg wah‐owh equa? oonesheshin suh ewh kahdoodahwid.
11Kahgenig kedahyahwahwaug egewh katemahgezejig anduhzhe‐ahyahyag; neen dush ween kahween kahgenig kedahyahweseem.
12Kesegenung mahbuh oo‐oo noomenegun emuh neyowing, cheningwahoogooyaun sah keoonjeëzhechega.
13Kagate kedenenim, Tebe bego kawahweenjegahdagwan maunduh minwahjemoowin emuh anegookookumegaug uhkee, kuhya oo‐oo kahezhechegad wah‐owh equa, tahwahweenjegahda cheoonjemequanemind.
14Me dush kenaunzekahwaud pazhig egewh metahswe‐ahzhe‐neezh Judas Iscariot azhenekahzood enewh keche‐sahsahgewejega‐wenenewun,
15Oo‐oo dush keëkedood, Wagoonan kameezheyag, puhgedenuhmoonuhgoog wah‐owh? nesemeduhnah duswahbik shooneyaun oogeënahwaun.
16Me dush kemahjenundoonaüng ewh chebahtahaud.
17Netum dush kezheguk uhpe mahyahje‐meejing ewh wambejeeshkewuhgesinsenook buhquazhegun, egewh kekenooahmahgunug oogenaunzekahwahwaun enewh Jesusun, oo‐oo keënahwaud, Ahneende kedenandum cheduhzhe‐wahwazhetahmahgooyun chemeejeyun ewh kuhbekoosa‐wekoondewin?
18Oo‐oo dush oogeënaun, Ezhaug dush emuh oodanaung, andaud owh pazhik enene, oo‐oo enik, Oo‐oo ekedoo owh Kekenooähmahga‐wenene, Gagah zhuhyegwah wetebishkoosamahgud nekezhegoom; andahyun ningahduhzhe‐oozhetoon ewh kuhbekoosa‐wekoondewin kuhya nekekenooahmahgunug.
19Keëzhechegawug dush egewh kekenooahmahgunug debishkoo kahegoowaud enewh Jesusun; oogewahwazhetoonahwah dush ewh kuhbekoosa‐wekoondewin.
20Kahoonahgooshig dush, oogeweeduhbemaun enewh metahswe‐ahshe‐neezh wewesenewaud.
21Magwah dush wesenewaud, oo‐oo oogeënaun, Kagate kedenenim, Pazhig kenuhwah ningahbahtahik.
22Ahpeche dush kenuhneenuhwanduhmoog, oo‐oo dush oogemahjeënahwaun papazhik, Neen nuh, Tabaningayun?
23Oogenuhquatuhwaun dush, oo‐oo keënaud, Owh waujequahbuhahmahwid emuh oonahguning, me suh owh kabahtahid.
24Owh suh Enene oogwissun mahjah debishkoo anahjemind emuh oozhebeëguning: tahkeche‐kooduggeze suh owh enene kabahtahaud enewh Enene oogwissun nahwuj tahgeooneshenene owh enene wekah negesegoobun.
25Oogenuhquatahgoon Judasun, enewh kahbahtahegoojin, oo‐oo keëgood, Neen nuh, Rabbi? oo‐oo dush oodenaun, Kegeëkid suh.
26Magwah dush wesenewaud, Jesus oogeoodahpenaun buhquazhegun, uhpe dush kahmahmooyahwad, oogebuhquabenaun, oogemeenaun dush enewh ookekenooähmahgunun, oo‐oo keëkedood, Oodahpenik, ahmook; me suh oo‐oo neyow.
27Oogeoodahpenaun dush ewh menequahjegun, kemahmooyahwa dush, kuhya oogemeenaun enewh, oo‐oo keëkedood, Kuhkenuh menequayook ewh.
28Me muh oo‐oo nemesqueem ewh emuh ooshke‐kekindewining, segwabenuhwoowindwah nebewah bamahdezejig cheöonjewabenuhmoowindwah oomujje‐ezhewabezewinewah.
29Kedenenim suh, Kahween menuhwah ningahmenequaseen maunduh mahnewung ewh shoowemenegahwunzh, nahnauzh ewh kekezheguk uhpe kadooshke‐menequayaun emuh oodoogemahwewining owh Noos.
30Uhpe dush kahishquah‐nuhguhmoowaud, kesahguhuhmoog, keëzhahwug dush emuh Olives wahjewing.
31Medush uhpe Jesus oo‐oo enaud, Noongoom tebekuk, kenuhwah kuhkenuh kegahoosittahwandaum neen oonje; oo‐oo muh ezhebeëgahda, Ningahpuhkittawah owh mahnishtahneshe‐wenene, egewh dush mahnishtahnishug waqueenoojig tahsuhswashkahwahwug.
32Keähbejebahyaun dush ningahuhnenegaune‐tuhgwishin emuh Galileenaung.
33Peter dush oogenuhquatuhwaun oo‐oo keënaud, Mesuhwah goo kuhkennh oosittahwanemikwah, kahween neen wekah kegahoosittahwanemesenoon.
34Jesus dush oo‐oo oogeënaun, Kagate kedenin, noongoom tebekuk, chepwah noondahgoozid owh nahba‐pahkahahqua, nesing kegahahgoonwatum ewh kekanemeyun.
35Peter dush oo‐oo oodenaun, Mesuhwah goo nundahwandahgoozeyaun cheweejeneboomenaun, kahween ningahahgoonwatunse ewh kekanemenaun. Me nahsaub keëkedoowaud kuhkenuh egewh kekenooahmahgunug.
36Me dush keweejewaud owh Jesus enewh kekenooahmahgunun, ketuhgwishenoowaud dush emuh ketegauning Gethsemane azhenekahdag; oo‐oo dush oodenaun enewh ookekenooahmahgunun, Oomah nuhmuhduhbik kaähpeech ewede ezhahyaun cheähkoowa‐ahnuhmeähyaun.
37Oogeweejewaun dush enewh Peterun kuhya enewh neezh oogwissun owh Zebedee, kemahje‐nuhneenuhwandum kuhya kekeche‐wesugge‐kootuggandum.
38Me dush oo‐oo enaud; Keche‐nuhneenuhwandum suh owh ninjechaug, gagah suh wenebooyaun: ahyahyook suh oomah, wedookahweshig dush cheähkahwahbeyaun.
39Menuhwah ahwahshemashish keëzhah, keoojecheengwasad, keahnuhmeäud, oo‐oo keëkedood, Noosa, keshpin enandahgwuk, mahnoo ningahkuhbekahgoon maunduh mene quahjegun: Kah nindahwah neen ananduhmaun tahezhe wabussenoon, keen suh atuh ananduhmun.
40Oogenaunzekahwaun dush enewh kekenooahmahgunun, kemekahwaud dush nebahnid, oo‐oo dush enaud enewh Peterun, Ahneen, kah‐nuh kekushketoosenahwah ningoo‐tebahegunag chewedookahweyag ahkahwahbeyaun?
41Ahkahwahbeyook kuhya ahnuhmeäug cheënekahsewag emuh kuhgwatebaningawining; Ahnoo enandum suh oojechaugoomah, ewh suh weyausemah pajewemahgud.
42Menuhwah kemahjaud, me goo ewh neezhing keähnuhmeäud, oo‐oo dush keëkedood, Noosa, keshpin enandahgwussenook chekuhbekahgooyaun maunduh menequahjegun pwah‐menequayaun, mahnoo keen ananduhmun tahezhewabud.
43Kepeëzhaud oogemekahwaun menuhwah nebahnid, kekepingwuhshewun muh.
44Kenuhguhnaud dush, menuhwah kemahjah, keähweähnuhmeäud, megoo nesing, nahsaub kahekedood.
45Me dush kepenaunzekahwaud enewh ookekenooahmahgunun, oo‐oo dush oodenaun, Kayahbe nebahyook, kuhya aunwabeyook: benuh, pashoo peähyahmahgud ewh uhpe chepuggedenind owh Enene oogwissun emuh ooneenjening enewh majeëzhewabezenejin.
46Oonishkaug, mahjahdah; benuh, pashoo peähyah owh buhyahtahid.
47Magwah dush kekedood, benuh, owh Judas, pazhig egewh metahswe‐ahshe‐neezh, kepeëzhah, keweejewaud keche‐nebewah ahneshenahban wadahzhahwashkoonejin kuhya wapuhgummahgunenejin, enewh keche‐sahsahgewejega‐wenenewun kuhya ooketezemewaun egewh ahnishenahbag kahahnoonegoowahjin.
48Owh dush buhyahtahaud kekenoowahjechegun oogemeenaun enewh, oo‐oo keëkedood, Owh suh kaoojemug mesuh owh, uhyinje‐minjemenik.
49Bahbega dush naunzekahwaud enewh Jesusun, oo‐oo keëkedoo, Keduhnemikoon, Rabbi; anegook edush oogeöojemaun.
50Jesus dush oo‐oo oogenaun, Neeje ezhechegan ewh pahoonjeëzhahyun? kepeëzhahwug dush egewh, kuhya oogennhwuhdenahwaun Jesusun ketuhkoonahwaud dush.
51Benuh, dush pazhig enewh wahjewegoojin owh Jesus kezhebenikanewun, kekechekoobetood dush oodahzhahwashkoom, kekishketahwuggaguhnahmaud enewh keche-sahsahgewejega‐wenene oobuhmeetahgunun.
52Me dush owh Jesus keënaud enewh, Nayaub suh peenuhun kedahzhahwashkoom, kuhkenuh muh ayoojig ewh ahzhahwashk ahzhahwashkoon kanesegoowaud.
53Kah nuh ween kedenanduhseem chekushketooyaun noongoom chenundoodahmahwug owh Noos, nindahmeenik dush chewedookahwewaud ahwahshema metahswe‐ahshe‐neezh metauswauk enewh angenun?
54Ahneen dush ween kaëzhedebishkoosagebun enewh oozhebeëgunun, oo‐oo cheweëzhewabuk akedoomahgukkin?
55Ewh dush uhpe Jesus oo‐oo oogeënaun enewh ahnishenahban, Kemoodishke‐weneneeng kepeëzhetuhkoonim wadahzhahwashkoomeyag kuhya wapuhguhmahguneyag? Anduhsoo‐kezheguk kegeweduhbemenenim kekekenooahmahgayaun emuh keche‐ahnuhmeä‐weguhmigoong, kah dush kegetuhkooneseem.
56Kuhkenuh dush oo‐oo keëzhewabud, chetebishkoosag oodoozhebeëgunewah egewh aunwahjega‐wenenewug. Me dush kenuhguhnegood kuhkenuh enewh ookekenooähmahgunun, keoozhemoowun dush.
57Egewh kahtuhkoonahjig enewh Jesusun oogeëzhewenahwaun emuh andaud owh Caiaphas keche‐sahsahgewejega‐wenene, kahduhzhe‐mahoonjeëdewaud egewh oozhebeëga‐wenenewug kuhya katezejig.
58Peter dush wahsuh oogenoopenuhnaun, nahnauzh ketuhgwishing emuh andaud owh Keche‐sahsahgewejega‐wenene kepeendega dush, keweeduhbemaud enewh buhmeetahgunun, wewahbunjegad ewh kaëzhewabuk.
59Egewh dush keche‐sahsahgewejega‐wenenewug, kuhya egewh katezejig, kuhya egewh mahyahwunjeëdejig, oogenundahwandahnahwah ewh kuhkenuhwishke‐tebahjemoowin cheoonje‐nesahwaud enewh Jesusun;
60Kah dush oogemekunsenahwah gagoo; mesuhwah goo nebewah kepeëzhahwaud kakenuhwishke‐debahjemoojig, kahween oogemekunsenahwah. Gaguhpe kepeëzhahwug neezh kakenuhwishke‐debahjemoojig,
61Oo‐oo keëkedoowaud, Mahbuh keëkedoo, nekushketoon chebahnahjetooyaun ewh ookeche‐ahnuhmeä‐weguhmig owh Kesha‐Muhnedoo, nesoo‐kezhik dush menuhwah cheoozhetooyaunbaun.
62Owh dush keche‐sahsahgewejega‐wenene kepuhsegwe, oo‐oo dush keënaud enewh Jesusun, Kah nuh ningood kenuhquatunse? wagoonan oo‐oo anahmemikwah oogoo?
63Kah dush kekekedoose owh Jesus. Owh dush keche-sahsahgewejega‐wenene oogenuhquatuhwaun oo‐oo keënaud, Kedaungwahmemin ween oonje owh bamahdezid Kesha‐Muhnedoo, cheweenduhmahweyaung keshpin ahyahwewunan owh Christ oogwissun owh Kesha‐Muhnedoo.
64Jesus dush oo‐oo oogeënaun, Kegeëkid suh: pooch kedenenim, Bahmah kegahwahbuhmahwah owh Enene oogwissun nuhmuhduhbid emuh ookechenikaung owh Kache‐mushkahwezid, kuhya petuhgwishing emuh kezhegoong duhzhe ahnuhquudoong.
65Medush uhpe owh sahsahgewejega‐wenene kekishkepetood oopuhpesekahwahgunun, oo‐oo keëkedood, Kemujje‐kezhwa suh; ahneshwin kayahbe nundahwanemungwahbun egewh kadebahjemoojig? benuh, noongoom kenoondahnahwah oomujje‐kezhwawin.
66Ahneen ananduhmag? Oogenuhquatuhwaun dush oo‐oo keënahwaud, Enandahgooze suh chenebood.
67Medush kesequahnahwaud emuh ooshkinzhegooning, kuhya kepahquahkooneenjetahwahwaud; ahnind dush oogenahpahgaunzheninjetahwahwaun.
68Oo‐oo keëkedoowaud aunwahtahweshenaum, keen Christ, Ahwanan owh kahpuhketaöok;
69Peter dush kenuhmuhduhbe ahgwahjeeng emuh tasekauning; pazhig ooshkenegequan oogepenaunzekahgoon, oo‐oo keëkedoonid, Kuhya keen kegeweejewah owh Jesus Galilee duhzhe‐wenene.
70Keähgoonwatum dush emuh enahsuhmuhbewaud kuhkenuh, oo‐oo keëkedood, Kahween nekekanduhse ewh akedooyun.
71Uhpe uhnesahgahung emuh tasecheguning, oogewahbuhmegoon menuhwah pazhig ooshkenegequan, oo‐oo keënahnid enewh emuh ayahnejin, Kuhya wah‐owh oogeweejewaun enewh Jesusun Nazareth duhzhe enenewun.
72Menuhwah keähgoonwatum, kekeche‐mushkahwahkezhwa, oo‐oo keëkedood, Kahween nekekanemahse owh enene.
73Nahgujeesh egewh kahnebahwejig oogepenaunzekahwahwaun enewh Peterun, oo‐oo keënahwaud, Kagate keen kedow pazhig oogoo, anwayun muh kedoonje‐kekandahgooz.
74Medush kemahje‐mujje‐kekedood kuhya kemushkahwe‐kezhwad, oo‐oo keëkedoo, Kahween nekekanemahse owh enene. Bahbega dush kemesetahgooze owh nahba‐pahkahahqua.
75Peter dush oogemequandaun ewh oodekedoowin owh Jesus, oo‐oo keëgoopun, Chepwah noondahgoozid owh nahba‐pahkahahqua, nesing kegahahgoonwatum ewh kekanemeyun. Keühnesahguhum dush, kekuhgwahnesuggahdamood:
Currently Selected:
St Matthew 26: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
