St Matthew 25
25
1Medush uhpe kaënandahgwuk ewh keche‐kezhegoong duhzhe‐oogemahwewin debishkoo metahswe kegaungooquag, kahoodahpenungig oowahsuhkoonanjegunemewaun, keühnesahguhumoowaud dush cheähwenahquashkahwahwaud enewh nahaungishun.
2Nahnun dush kenebwahkahwug, nahnun dush kekuhkebahdezewug.
3Egewh dush kakebahdezejig oogeoodahpenahnahwah enewh oowahsuhkoonanjegun‐ahbekoomewaun, kahween oogeähyaunsenahwah ewh pemeda.
4Egewh nabwahkahjig oogeduhgoo‐ahyahnahwah ewh pemeda emuh oodahtahsoowinewaung kuhya oowahsuhkoonanjegun‐ahbekoomewaung.
5Wekah tuhgwishenenid enewh nahaungishun, kuhkenuh kenuhwuggequasawug kuhya kenebahwug.
6Ahyahbetah‐tebekuk dush kemuhtwa‐pepahgim, Benuh, nahaungish petuhgwishin; ahwenahquashkahwik.
7Medush kuhkenuh kepuhsegwewaud oogoo kegaungooquag, kewahwazhetoowaud dush enewh oowahsuhkoonanjegun‐ahbekoomewaun.
8Egewh dush kakebahdezejig oo‐oo oogeënahwaun enewh nabwahkahnejin, Meezheshenaum suh ahnind ewh kepemetamewah; gagah muh ahtawun newahsuhkoonanjegun‐ahkoomenahnin.
9Ooogenuhquatuhgoowaun dush enewh nabwahkahnejin, oo‐oo keëgoowaud, Kahmahmundah; koonemah kahween tahtabesasenoon cheähyahmung neenuhwind kuhya kenuhwah; nahwuj tahoonesheshin ezhahyag ahyahwaud egewh atahwajig, chekeshpenuhdahmahdezooyag dush.
10Ahpetandewaud dush ahwekeshpenahtoowaud, ketuhgwishin owh nahaungish, egewh dush kahtakezhetahjig oogeühneweejpeendegamahwaun emuh anduhzhe‐wewekoodahdewine‐wekoonding, kekebahquahegahda dush ewh ishquaundam.
11Nahgujeesh dush kuhya wenuhwah ahnind kegaungooquag kepeëzhahwug, oo‐oo keëkedoowaud Tabanengayun, Tabanengayun, pahkahkoonuhmooweshenaum.
12Oogenuhquatuhwaun dush oo‐oo keënaud, Kagate kedenenim, Kahween kekekanemesenoonim.
13Ahkahwahbeyook suh dush, kah muh kekekanduhsenahwah ewh kezhik gamuh ewh apeeche‐kezheguk uhpe katuhgwishing owh Enene oogwissun.
14Oo‐oo muh enandahgwud ewh keche‐kezhegoong duhzhe‐oogemahwewin debishkoo enene wahsuh wahezhaud, oogenundoomaun enewh tebenuhwa oobuhmeetahgunun, oogepuhgedenuhmahwaun dush enewh ooduhyeemun.
15Pazhik oogepuhgedenuhmahwaun nahnun talent, menuhwah dush pazhik oogepuhgedenuhmahwaun neezh talent, kuhya dush pazhik, pazhik talent, debishkoo kahkushkeäwezenid oogeënahoonaun; medush bahbega kemahjaud.
16Owh dush nahnun talent kahoodahpenung oogeähweähtahwan ewh shooneyah, menuhwah dush nahnun talent ahwahshema oogekushketoonun.
17Mesuh kuhya ween kahezhechegad neezh talent kahoodahpenung, menuhwah neezh ahwahshema oogekushketoonun.
18Owh dush pazhik talent kahoodahpenung, kemahjah kewahneka dush emuh uhkeeng, kekahdood enewh oodoogemahmun ooshooneyahmene.
19Bahmah dush wekah ketuhgwishenoon enewh oodoogemahmewaun oogoo buhmeetahgunug, oonundoodahmahwaun dush ewh tebahahmahgoowin.
20Owh dush, nahnun talent kahoodahpenung kepeëzhah nahnun talent ahwahshema oogetuhgoo‐peetoonun, oo‐oo dush keënaud, Tabaningayun, kegemeezh nahnun talent; benuh, menuhwah nahnun talent ningekushketoonun.
21Oo‐oo oogeëgoon enewh oodoogemahmun, Wawane manoo‐ezhewabezeyun kuhya ahyaungwahmezeyun bameetahguneweyun: kegeäungwahmenahnun enewh punge kahguhnuhwanduhmunin, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.
22Kuhya dush owh kahoodahpenung neezh talent kepeëzhah oo‐oo dush keëkedoo, Nindoogemaum, kegemeezh neezh talent: benuh, menuhwah neezh bakanukkin ningekushtoonun keähtahwayaun.
23Oo‐oo dush oogeëgoon enewh oodoogemahmun, Wawane! manoo‐ezhewabezeyun kuhya ahyaungwahmezeyun bameetahguneweyun; kegeäungwahmenahnun punge, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.
24Kepeëzhah dush owh pazhik talent kahoodahpenung oo‐oo dush keëkedood, Nindoogemaum, kegekekanemin chesunnug‐eneneweyun, kishkeshkezhegayun emuh keketegasewun, kuhya mahwunjechegayun emuh kesuhswa‐wabenegasewun:
25Nengeähgwushke dush kuhya nengeähwekahdoon keshooneyaum emuh uhkeeng: benuh, kedahyaun ewh keduhyeem,
26Oogenuhquatuhgoon dush enewh oodoogemahmun oo‐oo dush keëgood: Majebuhmeetahguneweyun kuhya katemishkeyun, kegekekanim chekishkushkezhegayaun keketegasewaun, kuhya chemahwunjechegayaun kesuhswa‐wabenegasewaun.
27Kedahgemeenaug suh ewh neshooneyaum egewh muhyashquahdoonegajig, uhpe dush pahkewayaun nindahgeoodahpenaun ewh ninduhyeem kuhya dush ewh menik kahkushkechegamahguk.
28Muhkummik dush ewh talent kuhya dush meenik owh ayaung metahswe talent.
29Owh muh ayaung tahmeenah, nahwuj dush nebewah oogahahyaun: owh dush ayaunsig tahmuhkummah pooch ewh ayaung.
30Ahpuggenik dush owh ningood anahbuttezesig buhmeetahgun emuh ahgwajeeng anduhzhe‐kushke‐tebekuk: emuh kaduhzhe‐mahwing kuhya kaduhzhe‐muhtwayahbetasang.
31Uhpe petuhgwishing owh Enene oogwissun emuh oopeshegandahgoozewining, pewejewegood dush kuhkenuh enewh kachetwahwezenejin oodangenemun, me ewh uhpe kawawanuhbid emuh oopezhegandahgoozewine oodoogemah‐wuhbewining.
32Emuh dush anahsuhmuhbid tahmahwunzoomahwug kuhkenuh ahnooj azheweenzoojig ahneshenahbag: Oogahnuhyatahwenaun dush, debishkoo owh mahnishtahneshe‐wenene azhenuhyatahwenaud enewh mahnishtahneshun kuhya enewh mesahboozoon.
33Ooogahahsaun dush enewh mahnistahneshun emuh ookechenikaung, kuhya enewh mesahboozoon emuh oonuhmunjenikaung.
34Medush uhpe owh keche‐oogemah kaënaud enewh ookechenikaung ayahnejin, Oondahshahyook kenuhwah shawanemenag owh Noos, oodahpenahmook ewh oogemahwewin kahwahwazhetahmahgooyag, uhpe mahyahje‐oozhetoong oo‐oo uhkee.
35Nengepuhkuddanahbun muh, kegeähshummim dush: ningekishkahbahgwanahbun, kegemeenahim dush: ningemahyuggezenahbun, kegepeendeguhzhim dush:
36Ningepeengweshahgedenahbun, kegeähgweëm dush: nindahkoozenahbun, kegemahwuddeshim dush: nengeke-bahquahoogoonahbun, kegepenaunzekahwim dush.
37Medush chenuhquatuhwahwaud egewh quuhyuk‐azhewabezejig, oo‐oo cheëkedoowaud, Tabaningayun, ahneen uhpe kahwahbuhmegooyun ewh puhkuhdayun, keähshummegoowunan edush? gamuh kishkahbahgwayun, kemeenahegoowunan dush?
38Ahneen uhpe kahwahbuhmegooyun ewh mayuggezeyun, kepeendegahnegoowunan dush? gamuh ewh peengweshahgedeyun, ahgweëgoowunan dush?
39Ahneen uhpe kahwahbuhmegooyun ewh ahkoozeyun, gamuh kebahquahoogooyun, kenaunzekahgooyun dush?
40Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.
41Medush oo‐oo kaënaud emuh oonuhmunjenikaung ayahnejin, Ahwus nuhguhnuhzheshig kenuhwah kagwahnesuggandahgoozeyag, emuh kahgega‐ishkootang, kahwahwazhetahmahwindepun owh mujje‐muhnedoo kuhya enewh oomezhenahwamun.
42Ninpuhkuddanahbun muh, kah dush kegeähshummeseem: Ningekishkahbahgwanahbun, kah dush kegemeenaheseem:
43Nemahyuggezenahbun, kah dush kegepeendeguhzheseem: nengepeengweshahgedenahbun, kah dush kegeahgweëseem: nindahkoozenahbun, kuhya ninkebahquahoo-goonahbun, kah dush kegemahwudezheseem.
44Medush kuhya wenuhwah chenuhquatuhwahwaud, oo‐oo cheëkedoowaud, Tabaningayun, ahneen uhpe kahwahbuhmegooyun ewh puhkuddayun, gamuh kishkuhbahgwayun, gamuh mahyuggezeyun, gamuh peengweshahgedeyun, gamuh ahkoozeyun, gamah kebahquahoogooyun, keweedookahgoosewunan dush?
45Medush chenuhquatuhwaud oo‐oo cheëkedood, Kagate kedenenim, Ewh menik kahdoodahwahsewag kuhnuhga pazhik kache‐noondaush‐ahpetandahgoozid oogoo anduhchewaud, neen suh goo kah kegedoodahweseem.
46Medush oogoo kaëzhahjig emuh kahgega‐kooduggezewining: egewh dush quuhyuk‐azhewabezejig emuh kahgega bemahdezewining.
Currently Selected:
St Matthew 25: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
