St Matthew 27
27
1Uhpe dush kahwahbung, kuhkenuh keche‐sahsahgewejega‐wenenewug kuhya ooketezemewaun egewh ahneshenahbag kekahkekedoowug chenesahwaud enewh Jesusun:
2Uhpe dush kahminjemahpenahwaud, oogemahjewenahwaun, keähwepuggedenahmuhwahwaud enewh oogemaun Pontius Pilateün.
3Judas dush, owh buhyahtahewad, uhpe kahwahbundung ahzhe kenahneboomemind, keäunwanindezoo, nayaub dush nesemeduhnah‐duswahbik shooneyaun oogepeetuhmahwaun enewh sahsahgewejega‐wenenewun kuhya enewh katezenejin,
4Oo‐oo dush keëkedoo, Ningemujjeëzhechega kebahtahdooyaun ewh majeëzhechegamahgussenook misque. Oo‐oo dush keëkedoowug, Wagoonan nenuhwind kaöonjebah-manduhmaung e‐ewh? keen suh bahmandun ewh.
5Oogeähpuggenaun enewh shooneyaun emuh ahnuhmeä‐weguhmigoong, kemahjah dush, kuhya kekebena‐wabenedezoo.
6Egewh dush keche‐sahsahgewejega‐wenenewug oogeöodahpenahwaun enewh shooneyaun, oo‐oo dush keëkedoowug, Kah suh ween tahoonesheshinsenoon oonoo cheähchegahdag emuh shooneyah‐weguhmigoong, me muh kahoonjekishpenuhtoong ewh misque.
7Kekahkekedoowug dush, oogekishpenuhtoonahwah dush ewh wahbegune‐oonahguneka‐wenene ooketegaun, chepuggedanemindwah emuh egewh mayuggezejig.
8Me suh misque‐ketegaun wanjeëzhenekahdag ewh ketegaun, peenish egoo noongoom kezheguk.
9Medush ketebishkoosag ewh kahekedoopun Jeremiah aunwahjega‐wenene oo‐oo keëkedood, Oogeöodahpenahwaun dush enewh nesemeduhnuh‐duswahbik shooneyaun menik kahenuhginzood owh kahahtahwang, kahenuhgemegood enewh oonejahnesun owh Israël.
10Oogeähtahwanahwah dush chekishpenuhtoowaud ewh wahbegune‐oonahguneka‐wenene ooketegaun, debishkoo kahenahkoonid owh Tabaningad.
11Jesus dush kenebahwe emuh enahsuhmuhbid owh oogemah; owh dush oogemah oogeguhgwajemaun, oo‐oo keëkedood, Keen nuh kedoogemahwemegoog egewh Jewyug? Jesus dush oo‐oo oogeënaun, Kedekid suh.
12Uhpe dush kahahnahmemegood enewh keche‐sahsahgewejega‐wenenewun kuhya enewh katezenejin, kah ningood kenuhquatunse.
13Medush oo‐oo keëgood enewh Pilateün, Kah nuh ween kenoonduhse menik azheähnahmemikwah?
14Kah dush bahbish ningood oogenuhquatuhwahseen; kahoonje‐keche‐mahmahkahdandung owh oogemah.
15Ewh dush uhpe wahwekoonding owh oogemah oopuhgedenahmahwahgoobun enewh ahneshenahban pazhig kabahquahegahzoonejin, kawenundahwanemahnejin.
16Oogeähyahwahwaun dush pazhig kakandahgoozenejin enenewun, kabahquahegahzoonejin, Barabbas azhenekahzoonejin.
17Uhpe dush kahpemahwunjeëdewaud, Pilate oo‐oo oogeënaun, Ahwanan nanduhwanemag chepuggedenuhmoonahgoog? Barabbas nuh, gamuh Jesus owh Christ azhenekahzood?
18Oogekekandaun ewh ahneshah kekahwanemahwaud keöonjepuggedenahmahgood.
19Uhpe dush kahwuhwanuhbid emuh tebahkoonewawine‐ahpuhbewining, wewun kepemejedwawun, oo‐oo akedoonid, Kagoo ningood doodahwahkan owh manoo‐ezhewabezid enene; nebewah gooshah mahbuh ningeöonjekootuggandum noongoom kezheguk emuh enahbunduhmoowining.
20Egewh dush keche‐sahsahgahwejega‐wenenewug kuhya egewh katezegig oogegahgaunzoomahwaun enewh ahneshenahban chenundoodahmahganid enewh Barabbasun, chenishewuhnahjeähnid dush ween enewh Jesusun.
21Owh dush oogemah oogenuhquatuhwaun, oo‐oo keënaud, Ahwanan oogoo neezh nanduhwanemag chepuhgedenuhmoonuhgoog? Barabbas, keëkedoowug.
22Pilate dush oo‐oo oodenaun, Ahneen dush kadoodahwug Jesus owh Christ azhenekahzood? Kuhkenuh dush anduhchewaud oo‐oo oogeënahwaun, Mahnoo tahahgwahquahwah.
23Oogemah dush keëkedoo, Ahneshwin? Wagoonan ewh mujjeëzhechegawin kahezhechegad? ahwahshema anegook kepepahgewug, Mahnoo tahahgwahquahwah.
24Uhpe dush owh Pilate wuhyahbundung ewh kuhnuhga chedabwatahgoosig, nahwuj dush kenishkahjekummegezenid, oogeöodahpenaun ewh nebee, kesebegeneenjeed emuh enahsuhmuhbenid enewh ahneshenahban, oo‐oo dush keëkedoo, Kahween neen nindoonjegahtahmahwahse mahbuh enene oomesqueem: Kenuhwah suh bahmanduhmook.
25Kuhkenuh dush egewh ahnishenahbag oogenuhquatuhwahwaun, oo‐oo dush keëkedoowaud, Mahnoo nenuhwind ningahoodessegoonaun ewh oomesqueem kuhya egewh nenejahnesenahnig.
26Me dush kepuggedenuhmahwaud enewh Barabbasun: uhpe dush kahpuhzhunzhawaud enewh Jesusun, oogepuggedenaun cheähgwahquahoomind.
27Enewh dush ooshemahguneshemun owh oogemah kahoodahpenahwaud enewh Jesusun, kuhya kahezhewenahwaud emuh kekedoo‐weguhmigoong, kepenaunzekahgood kuhkenuh enewh shemahguneshun.
28Oogekesekoonuhyabenahwaun dush, mesquagenoo puhkensekahwahgun oogepesekoonahwaun.
29Uhpe dush menasuhguhwunzhe‐wewuhquaun kahookahdanuhmoowaud, oogepesekoonahwah emuh ooshtequahnening, kuhya ewh ahsahgunushk emuh ookecheneenjening; kuhya dush oogeshahgushketahwahwaun, kuhya oogebahpenoodahwahwaun, oo‐oo keëkedoowaud, Keduhnemekahgoo, keen Wagemahkundahwudwah egewh Jewyug!
30Oogesequahnahwaun, kuhya oogeoodahpenahnahwah ewh ahsahgunushk, kepukketawahwaud dush emuh ooshtequahnening.
31Uhpe dush kahishquah‐bahpenoodahwahwaud, oogekesekoonahwaun ewh puhpensekahwahgun, kuhya oogepesekoonahwah tebenuhwa oodahgwewin, kuhya kemahjenahwaud cheähgwahquahwahwaud.
32Pesahguhummoowaud, oogemekahwahwaun enewh Cyrene duhzhe‐wenenewun, Simon azhenekahzoonejin: medush ketwa kahahnoonahwahjin chepemoonduhmenid ewh oodahzhedayahtegoomene.
33Uhpe dush kahuhnetuhgwishenoowaud emuh Golgotha aduhming, me suh azhenesetootahgwuk, ooshtequaunekauning.
34Oogemeenuhahwaun ewh shewahboo weenzoob tuhgoonegahdag: uhpe dush kahkootahgummundung, kahween oogewemenequaseen.
35Oogeähgwahquahwahwaun dush, kemahdahoonedewug dush enewh oodahgwewinun, keähtahdewaud; chedebishkoosag kahekedoopun owh aunwahjega‐wenene, Kemahdahoonedewug enewh nindahgwewinun, kuhya dush nepuhpensekahwahgun keoonjeähtahdewug.
36Kenuhmuhduhbewaud dush, keähkahwahbuhmahwaud emuh;
37Emuh dush debishkoo ooshtequahnening oogejuhyeëe oogeähtoonahwah maunduh oozhebeëgawin kahezhe-ahnahmemind, WAH‐OWH JESUS OODOOGEMAHMEWAUN EGEWH JEWYUG.
38Neezh dush kamoodishkejig ketuhgoo‐ahgwahquah-wahwug, pazhik ookechenikaung, pazhig dush oonuhmunjenikaung.
39Egewh pabahmoosajig oogebahpenoonahwahwaun, kewawabequanewaud,
40Oo‐oo dush keëkedoowaud, Keen banahjetooyun ewh keche‐ahnuhmeä‐weguhmig, nesoo kezhig menuhwah ahyaunjetooyun, bemahjeëdezoon Keshpin suh wagwissemegoowunan owh Kesha Muhnedoo, ahzhedayahtigoong peoonjenesaunduhwan.
41Kuhya dush egewh keche‐sahsahgewejega‐wenenewug kuhya egewh katezejig, oogebah‐penuhduhwahwaun keëkedoowaud,
42Bakahnezenejin ween oogebemahjeäun; ween dush kahween ookushketooseen chebemahjeëdezood. Kishpin ahyahwegwan Israel oo keche‐oogemahmun, ahzhedayahtekoong tahpeoonjenesaunduhwa, ningahdabwatahwahnaun dush.
43Oogeähpanemaun enewh Kesha‐Muhnedoon; mahnoo noongoom oodahbemahjeëgoon, kishpin menwanemegood; keëkedoo muh, Nindoogwesemik owh Kesha‐Muhnedoo.
44Kuhya dush egewh kamoodishkejig, kahduhgoo‐ähgwahquahoondjig, me goo kuhya wenuhwah kahezhebahpenuhdahwahwaud.
45Nahyahwuhquag dush ketebikahbuhmenahgwud emuh anegookookummegaug uhkee peenish egoo ewh uhpe shaungoosoo‐tebahegun.
46Kuhnuhbuj uhpe kahshaunguhsoo‐tebahegun Jesus anegook kepepahge, oo‐oo keëkedood, Eli, Eli, lama sabachthani? medush akedoong, Nekesha Muhnedoom, Nekesha Muhnedoom, ahneshwin kenuhguhzheyun?
47Ahnind dush nahbahwejig emuh, uhpe kahnoonduhmoowaud, oo‐oo keëkedoowug, Wah‐owh enene oonundoomaun enewh Eliasun.
48Bahbega dush pazhig keähbuhtoo, oogeoodahpenaun dush ewh eskahebaun, oogemooshkenabuhtoon ewh shewahboo, keähtood dush emuh ahsahgunushkoong, oogemeenahaun dush.
49Ahnind dush oo‐oo keëkedoowug, Pooneh, mahnoo wahbundundah kagate chepebemahjeëgoogwan enewh Eliasun.
50Jesus dush, uhpe menuhwah anegook kahpepahgid, oogepuhgedenaun enewh oojechaugwun.
51Benuh dush, ewh kebuhgoojegun emuh keche‐ahnuhmeä‐weguhmigoong oogejuhyeëe keoonjetaushkegesa peenish egoo nesuhyeëe; kecheengwamahgud dush ween ewh uhkee, ketaushkebekesawun dush enewh ahzhebikoon;
52Kuhya kepahkahkoosenoon enewh chebaguhmigoon; kuhya nebewah ooweyowewaun egewh manoo‐ahnuhmeahgoobunanug kahnebahjig keoonishkahmahgudenewun,
53Kepesahguhuhmoowaud chebaguhmigoong oonje uhpe kahahbejebaud, keëzhahwug dush emuh kechetwah‐oodanaung, oogewahbuhmegoowaun dush nebewah enewh ahnishenahban.
54Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.
55Nebewah dush emuh keähyahwug equawug wahsuh keoonzahbunjegawaud, kahnoopenuhnahjig enewh Jesusun Galileeng keoonjebahwaud, kebuhmeetahwahwaud enewh:
56Keähyah suh owh Mary Magdalene, kuhya Mary oogeewaun owh James kuhya owh Joses, kuhya dush oogeene Zebedee oonejahnesun.
57Uhpe dush aneoonahgooshig, kepeëzhah pazhig kachetwahwezid enene emuh Aramathæäïng anduhnuhkeed, Joseph azhenekahzood, kuhya ween ahwid Jesus ookekenooahmahgun:
58Oogeëzhahnun enewh Pilateün, kepahgoosanjegad weyowene enewh Jesusun. Pilate dush keënahkoonega chepuggedenuhmahwind ewh weyowemah.
59Uhpe dush Joseph kahoodahpenaud weyowemah, oogewewahquayegenaun emuh pahnuk wahbishkeginoong.
60Oogeähsaun dush emuh tebenuhwa oodooshke‐chebaguhmigoong, kahweembahbekahahmahedezoogoobunan emuh ahsining: keche ahsineen dush oogeëzhetebebenaun emuh eshquaundamewung ewh chebaguhmig, me dush kahezhemahjaud.
61Keähyahwug dush emuh owh Mary Magdalene, kuhya owh bakahnezid Mary, kenuhmuhduhbewaud emuh ahzhahwuhyeëe chebaguhmigoong,
62Kahwahbung dush, kahishquah‐oozheetahwine‐kezheguk, egewh keche‐sahsahgewejega‐wenenewug, kuhya egewh Phariseeg mahmahwe oogenaunzekahwahwaun enewh Pilateün,
63Oo‐oo dush keëkedoowaud, Oogemah, nemequandahmin, mahbuh wuhyazhingashkid kahekedood, magwah kayahbe bemahdezid, Bahmah nasoogoonahguk ningahahbejebah.
64Umba enahkoonegan cheguhnuhwanjegahdag ewh chebaguhmig nahnaunzh egoo kenesoogoonahguk, koonemah dush keemooj nebah‐tebik tahpeëzhahwun enewh ookekenooahmahgunun, chekeemoodewaud dush, cheënahwahpun dush enewh ahneshenahban, Ahzhe keähbejebah; ewh eshquauch wuhnezewin nahwuj tahgeoosittahwandahgwud dush ween ewh netum.
65Pilate dush oo‐oo oogeënaun, Kedahyahwahwaug egewh akundoojig; Mahjahyook, aungwahmezeyook cheguhnuhwanduhmag.
66Medush kahezhemahjahwaud, kewahweengatoowaud ewh chebaguhmig oogeähkookewuhsahnahwah dush ewh ahsin, oogeähsahwaun dush enewh kaähkundoonejin.
Currently Selected:
St Matthew 27: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
