गलातिऔ 3
3
बिसवास कन्नो और नियम माननो
1ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्छे तरीका सै समजाई ही कै ईसु मसी कै कैसे कुरूस मै चढ़ाओ हो। 2मैं तुमसै बस जौ जान्नो चाँहौ हौं कै, का तुमकै पबित्तर आत्मा नियम माननै सै मिलो है, या परमेसर की अच्छी खबर सुन्नै और बामै बिसवास कन्नै सै? 3का तुम इत्ते मूरख हो सकौ हौ कै जो जिन्दगी पबित्तर आत्मा के दुआरा तुमनै सुरू करी ही, बाकै तुम अब अपने सरीर के हिसाब सै चलकै सिद्द बननो चाँहौ हौ? 4का तुमनै इत्ते दुख बेकार मैई उठाए? का बे सच्ची मैई बेकार हे? 5परमेसर जो तुमकै अपनो आत्मा देवै है, और तुमरे बीच मै चमत्कार के काम करै है तौ का बौ इसताँई करै है कै तुमनै मूसा के नियमौ कै मानो? या इसताँई कै तुमनै अच्छी खबर सुनकै बामै बिसवास करो?
6 #
रोमी 4:3
इसई हाँई इब्राहिम नै “परमेसर के ऊपर बिसवास करो और जाई बिसवास की बजै सै बौ परमेसर के सामने सई ठैरो।” 7#रोमी 4:16अब तौ तुम जौ जानलो कै, जो लोग बिसवास करै हैं, बे इब्राहिम की औलाद हैं। 8पबित्तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी। 9इसताँई जो लोग बिसवास करै हैं, बे बिसवास कन्नै बारे इब्राहिम के संग आसीस पावै हैं।
10बे लोग जो नियम के कामौ मै भरोसो रक्खै हैं, उनके ऊपर सराप है, कैसेकै पबित्तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।” 11पर जौ बात साप है कै कोई बी आदमी नियम के दुआरा परमेसर के सामने धरमी ना ठैर सकै है, कैसेकै पबित्तर सास्तर मै ऐंसो लिखो है कै, “धरमी आदमी बिसवास सै जिन्दो रैहगो।”
12पर नियम#3:12 नियम जहाँ बी नियम की बात आवै है बौ मूसा के नियम कै दिखाबै है। जे बे नियम हैं जिनकै परमेसर नै मूसा कै दओ हो। को बिसवास सै कोई मतलब ना है, कैसेकै पबित्तर सास्तर मै जौ लिखो है कै, “जो नियम मै लिखी भई बातौं कै मानैगो, बौ उनई के बजै सै जीगो।” 13मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।” 14जौ इसताँई भओ कै, जो आसीस इब्राहिम कै देर खाई ही, बौ मसी ईसु के दुआरा गैर यहूदी लोगौ कै बी मिल सकै और हमरे बिसवास के दुआरा बौ सच्ची आत्मा मिलै जिसको बादो परमेसर नै करर खाओ है।
मूसा को नियम और परमेसर को बादो
15भईयौ और बहनौ, अब मैं तुमकै रोजमर्रा की जिन्दगी सै एक उदाहरन देवौ हौं। देखौ, कोई आदमी किसी के संग एक पक्को करारनामो कन्नै के बाद, बौ ना तौ बामै कुछ जोड़ सकै है और ना बाकै तोड़ सकै है। 16अब जितने बादे इब्राहिम और बाके खानदान के संग करे हे। बे बादे सिगरे बालकौ के संग ना, पर बौ एकई लौंड़ा के ताँई है, और बौ मसी है। 17मेरे कैनै को मतलब जौ है कै परमेसर नै इब्राहिम के संग पैलेई करारनामो करो हो। बाकै पूरो कन्नै के ताँई बी बादो करो हो। अब बाके चार सौ तीस साल के बाद मै आए नियम बा करारनामे कै और बादे कै मिटा ना सकै हैं।
18 #
रोमी 4:14
कैसेकै अगर बिरासत नियम माननै सै मिली है, तौ बादे को का मतलब? पर इब्राहिम तौ परमेसर के बादे के दुआरा बारिस बन गओ।
19तौ फिर नियम को का मतलब है? जाकै जा ताँई दओ गओ कै लोग अपने पापौं कै देख सकैं। जिस बेटा के आनै को बादो करो है और बा बेटा के आनै तक जौ नियम है। परमेसर नै इन नियमौ कै सुरगदूतौं के दुआरा मूसा कै दओ और जौई मूसा परमेसर और आदमिऔ के बीच को बिचौंदिया है। 20और बिचौंदिया की जरूरत तब है जब एक सै जादा पक्छ हौं, पर परमेसर तौ एकई है।
21तौ का जाको जौ मतलब है कै नियम परमेसर के बादे को बिरोद करै है? बिलकुल ना। कैसेकै अगर आदमी कै नियम सै जिन्दगी मिलती तौ नियम कै माननै सै धारमिकता मिल जाती। 22पर पबित्तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्नै के दुआरा दओ जावै है, बौ बिसवास कन्नै बारौ कै मिलै।
23पर बिसवास के आनै सै पैले हम नियम के बस मै हे, और आनै बारे बिसवास के परकट होनै तक नियम के कैद मै रैहए। 24इस तरै मसी के आनै तक नियम हमरी देखरेख कन्नै बारो हो, जिस्सै कै हम बिसवास के दुआरा धरमी ठैरैं। 25पर जब बिसवास आओ तौ हम बा देखरेख कन्नै बारे के बस मै और ना रैहंगे।
26मसी ईसु मै बिसवास कन्नै के दुआरा तुम सिगरे परमेसर की औलाद हौ। 27कैसेकै जिनौनै मसी के नाम सै जल संस्कार लेर खाओ है, बे मसी के संग मिल गए हैं। 28तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ। 29#रोमी 4:13अगर तुम मसी के हौ तौ तुम इब्राहिम के खानदान के हौ, और जो बादो परमेसर नै इब्राहिम सै करो हो बामै तुम बी बारिस हौ।
Currently Selected:
गलातिऔ 3: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
