Popular Bible Verses from गलातिऔ 3

Share

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

अगर तुम मसी के हौ तौ तुम इब्राहिम के खानदान के हौ, और जो बादो परमेसर नै इब्राहिम सै करो हो बामै तुम बी बारिस हौ।

जौ इसताँई भओ कै, जो आसीस इब्राहिम कै देर खाई ही, बौ मसी ईसु के दुआरा गैर यहूदी लोगौ कै बी मिल सकै और हमरे बिसवास के दुआरा बौ सच्‍ची आत्‍मा मिलै जिसको बादो परमेसर नै करर खाओ है।

पर जौ बात साप है कै कोई बी आदमी नियम के दुआरा परमेसर के सामने धरमी ना ठैर सकै है, कैसेकै पबित्‍तर सास्तर मै ऐंसो लिखो है कै, “धरमी आदमी बिसवास सै जिन्‍दो रैहगो।”