Yihokora 10
10
Rukwaro romudiwiru oru ha mu yarekerire Johannesi
1Ko kumona kwange muengeli ghumweya ghongcamu ghana kushuruka mudiwiri. Ghapwa kuyenga nomavuyi nomuto ghomvura pamutwi wendi. Rupara rwendi yira diyuwa, no mapadhi ghendi yira maretha ghomudiro. 2Munyara dhendi, gha karire no rukwaro rokuyandhuruka. Ko kutupeka kwendi dipadhi dyorudyo mudikuruviya, dyorumoho ne pamun̂inya. 3Ha kugherera nodiywi dyodikuru yira nyime ghokuvuma. Apa gha kughererire, kokumutambura midikitero dhomvura kwoko nodhiwadi. 4No pakuyuva midikitero dhomvura maywi ghadho, ko kuhima kwange eshi ni tjange. Ene na yuvire diywi dyomudiviru edi dya ningire kwange eshi: “Tareke eyi dhina ghamba midikitero kwoko nodhiwadi, ene wa tjanga.”
5Na muengeli yu na monine gha nemana padikuruviya no pamun̂inya, gha yeyurire dyoko dyendi kudiwiru. 6Ko kwedha kwendi koYu gha para kuroruhe. Muvareki ghodiwiru no ghomuve no yi ya tunga mo, mbadi mbo yi kara rure. 7Ene mumayuwa ghodiywi dyotorombita wamuengeli ghoghukwoko noghuwadi, mbo yina rikanya eyi ghondekire Nyambi. Thika di gha yuvithire mbudhi dhodhitowi kwawaporofeta wendi.
8Na yuvire diywi dyokushuruka mudiwiru eshi: “Tumbure rukwaro rokuyandhuruka kwamuengeli yu gha nemana padikuruviya no pamun̂inya.”
9Ko kuyenda kwange kwamuengeli ni ka mu tongwere eshi: “Nipe rukwaro. Tumbure no rudye, aro runa kukuhumaghura mudira dyoye. Ene mukanwa koye, runa kukutowarera yira wiki ghomuka.”
10Ame ha ni tumbura rukwaro munyara dhamuengeli ni dye. Mukanwa kange, ya ni towarerire yira wiki. Mudira dyange ne ko kungurunganya thikuma. 11Ha ningi kwendi kukwange eshi: “Pumbere karo kumako ghomahe, no kumarudhi no kumandimi no kwawafumu.”
Currently Selected:
Yihokora 10: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
