Popular Bible Verses from Yihokora 10

Share

Ene mumayuwa ghodiywi dyotorombita wamuengeli ghoghukwoko noghuwadi, mbo yina rikanya eyi ghondekire Nyambi. Thika di gha yuvithire mbudhi dhodhitowi kwawaporofeta wendi.

Ha ningi kwendi kukwange eshi: “Pumbere karo kumako ghomahe, no kumarudhi no kumandimi no kwawafumu.”

Ko kumona kwange muengeli ghumweya ghongcamu ghana kushuruka mudiwiri. Ghapwa kuyenga nomavuyi nomuto ghomvura pamutwi wendi. Rupara rwendi yira diyuwa, no mapadhi ghendi yira maretha ghomudiro.

Ko kuyenda kwange kwamuengeli ni ka mu tongwere eshi: “Nipe rukwaro. Tumbure no rudye, aro runa kukuhumaghura mudira dyoye. Ene mukanwa koye, runa kukutowarera yira wiki ghomuka.” Ame ha ni tumbura rukwaro munyara dhamuengeli ni dye. Mukanwa kange, ya ni towarerire yira wiki. Mudira dyange ne ko kungurunganya thikuma.