Rukwaro Romiposalemi 42
42
Nye ghuna kukarera kemo mumatamanyi ghomunu?
1Kwamwimbithi. Mutanuro wamukaKoragite.
2Yira mara yu ghana kurura kumeyu,
kemo na kurura kuKoye we Nyambi.
3Ghunu wange ghoghuhe kwaNyambi ghuna
kurura, kwaNyambi ghomuyumi.
Mwaka munye na kuhokoka karo kughutho waNyambi?
4Mumahodhi na kara mutenya noghuthiku,
yoyi roruhe hana ku ni ninga eshi:
“Kupi ne Nyambi ghoye pan̂anyi‐n̂anyi?”
5Ngeshi ha ni mono di ghuna ku ni runduka moyo wange,
na kughayara eshi,
ngepi di na kokerire kumatungo ghaNyambi,
ho na shwaghire kughutho ghotushumba ni
yende kundhugho dhendi,
ghushogherera nombunga dhi dhembire
difeste, dha kughire nodimbo dyodikuto.
6Nye ghuna kukarera mumatamanyi we munu
no nye ghuna kutongera kemo?
Kurupere paNyambi!
Kemo, mbo namwimbera karo dimbo dyodifumanekero.
Aye ne mughamweni wange 7no Nyambi wange!
Napu kudheka me,
Mumatamanyi ghange yo na kukugherera kuKoye
kutunderera kuno kuJordani, no kumarundughana ghaHerimoni
8oku ghana kupughumena meyu
no ku tuna kupoposha tupupo tomarware ghoye.
Owe ne ghuna ku ni kupinganithera dingumbi kudingumbi.
9Shemwa, Fumu mbo ghana hokora diyuwa
dimweya yikuruperitha yendi,
name nothinda mbo na mwimbera dimbo mughuthiku,
no mbo na rapera kwaNyambi ghomoyo wange.
10Na haka kuninga kwaNyambi eshi:
“Owe diwe dyange, nye ghuna ni vuramena?
Nye na kukungowekera kurupetho rwawan̂ore?”
11Mushedho wawan̂ore dhange, ghuna tu
kuyirama yange yoyihe,
pakunininga diyuwa nodiyuwa eshi:
“Kupi Nyambi ghoye pan̂anyi‐n̂anyi?”
12Nye ghuna kukudhekera kemo we munu
no nye ghuna kutongera kemo?
Kurupere paNyambi!
Kemo, n̂anyi mbo ni mwimbere karo dimbo dyofuma.
Aye ne yoNyambi wange nomughamweni wange!
Currently Selected:
Rukwaro Romiposalemi 42: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
