Rukwaro Romiposalemi 43
43
Tume munyenge ghoye noghushemwa ghoye
1GhoNyambi, ngo ghambe ne kughuhunga wange,
tanarithe n̂ando dhange kumbunga dhawayi,
ni ghamwene kwawakambango nawapaghi.
2Nyambi wange, pithoye ghomondo ghange,
nye ne ghuna kunimwagherera kemo?
Nye sho ni kungowekere kuyenda
kurupetho rwawan̂ore dhange?
3Tume thishe thoye noghushemwa ghoye
eshi, oyu ghana kuniyenditha,
gha ni tware kudirundu dyoye dyokupongoka
no kumatungo ghoye!
4Ningeneke kuthinyaku thaNyambi,
Nyambi yu na hima kushamberera no kushogherera,
gho ni kone kukufumaneka nothihumba
ghoNyambi, ghoNyambi wange!
5Nye ghuna kukarera kemo mumatamanyi we munu no
nye ghuna kutongera kemo?
Kurupere paNyambi!
Kemo, mbo na mwimbera karo dimbo dyofuma.
Aye ne yoNyambi wange nomughamweni wange!
Currently Selected:
Rukwaro Romiposalemi 43: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
