Popular Bible Verses from Rukwaro Romiposalemi 42

Share

Mushedho wawan̂ore dhange, ghuna tu kuyirama yange yoyihe, pakunininga diyuwa nodiyuwa eshi: “Kupi Nyambi ghoye pan̂anyi‐n̂anyi?”

Kwamwimbithi. Mutanuro wamukaKoragite. Yira mara yu ghana kurura kumeyu, kemo na kurura kuKoye we Nyambi.

Ngeshi ha ni mono di ghuna ku ni runduka moyo wange, na kughayara eshi, ngepi di na kokerire kumatungo ghaNyambi, ho na shwaghire kughutho ghotushumba ni yende kundhugho dhendi, ghushogherera nombunga dhi dhembire difeste, dha kughire nodimbo dyodikuto.

Ghunu wange ghoghuhe kwaNyambi ghuna kurura, kwaNyambi ghomuyumi. Mwaka munye na kuhokoka karo kughutho waNyambi?

Nye ghuna kukarera mumatamanyi we munu no nye ghuna kutongera kemo? Kurupere paNyambi! Kemo, mbo namwimbera karo dimbo dyodifumanekero. Aye ne mughamweni wange