Waxye 8

Malxin-ya maxtam kee dahab magbir

1Amaa Leemi malxin-ya maxtam faake gedda, saacat abrha takkem carshelle sikko tekke. 2Sarrah, Yallih nifille daw-yerhxe malxina malaykatto uble, malxina thurumba lel akah tomxoyeh tine. 3#Caamoos 9:1; Muuca 30:1,3 Aki malaykatti lel yemeeteyaako amaa dahab magbirlih mazbaxalle daw-yerhxe. Umbuka yinqiddise marahi dhaacoolih amaa nugus-kursehi nifille yemeeteh yaxaw lel mango caydarruus dahab mazbaxalle akah yomxoye. 4Amaa caydarruus tiki lel amaa yinqiddise marahi dhaacoolih yekkeh, amaa malaykattohi gabaako Yallahi nifille ugute. 5#Leewiiti Sheekhino 16:12; Yexetsqeel 10:2; Muuca 19:16; Waxye 11:19; 16:18 Sarrah amaa malaykatti, amaa magbir beyeyaako mazbaxko beye girah yemegeh baarholle cide. Amalle lel angud, dhaw, xankarha kee kirdidimo tekke.

Malxina thurumba

6Sarrah amaa malxina thurumba luuk yine malxina malaykatti lel amaa thurumbab yaatakoona yinqirribin.

7 # Muuca 9:23-25; Yexetsqeel 38:22 Erherh malaykatti ishi thurumba yootoke, amalle lel biili adde yengele barad kee gira temeete. Tayim lel amaa baarholle cidditte. Baarhooko lel maddaxit af xarare, xorhko maddaxit af xarare, amayim balih andharh cashsho inkoh xararte.

8Malammit malaykatti ishi thurumba yootoke, bololta giraalih lel wuli naba koomah iggidinam badadde cidditte, amaa badko maddaxit af lel biilo yekke. 9Badti ufayleeko maddaxit af bade, dooniikaako lel maddaxit af yelee.

10 # Isayas 14:12 Maddaxit malaykatti ishi thurumba yootoke, naba xutukti lel dabetta balih ifak caranko rade, nahaaraatko maddaxit af kee layet raxeenalle rade. 11#Ermiyaas 9:15Amaa xutuktahi migac lel Cur-tarhxe xarha kuuk yine. Layeko maddaxit af lel cuure yekke, amaa laye cuure kuuk tinemhi sabbatah lel mango xiyaw raben.

12 # Isayas 13:10; Yexetsqeel 32:7; Yoo-eel 2:10,31; 3:15 Mafarrit malaykatti ishi thurumba yootoke, ayrottaako maddaxit af, alsaako maddaxit af, xutukko lel maddaxit af yumuttuke. Amaymih lel ten ifooko maddaxit af takkem dattowe. Lellecko maddaxit af dattowe, barko lel maddaxit af amayim balih.

13Sarrah, kulux-erhxeh, lacani dhacumaatih andhaxak caranalle firiirixitak: “Adooxa malaykatti tamaa raaceh yane thurumbab yaatukin gedda ta baarholle martamak, sin careyta, sin careyta, sin careyta!” arhxuk kaa oobbe.

Currently Selected:

Waxye 8: SCC

Highlight

Copy

Compare