Waxye 9

1Makawwanit malaykatti lel ishi thurumba yootokeyaako caranko xutukti baarholle radak uble. Kayyah lel amaa adda dherh boozo#9:1 adda dherh boozo Luukas 8:31 ubul.h maftix akah yomxoyeh yine. 2#Erhedhdhö 19:28Usuk lel amaa adda dherh boozo faake. Amaa boozooko lel naba oton girah iggidin tiki lel akko yewce. Ayrotta kee cashshab lel amaa tikah dattowe. 3#Muuca 10:12-15Amaa tikaako lel cawayni baarholle oobe, tamaa baarhot igiirhahi xaylah iggidin xayli lel akah yomxoye. 4#Yexetsqeel 9:4Tamaa dambarak Yallih maxtam aallinnixe mara bisa kibah, baarhot cashsho hido akkinnan andhaarha, hido farhinnan xarha akah biyaake wayaakah akah warishen. 5Koona alsa ten waaxeelishoona kibah ten agdife wayoona fiqhaad akah yomxoye. Ten waaxelti lel tamaa igirh adde are tiya balih kuuk yine. 6#Ayyuub 3:21; Ermiyaas 8:3Amaa maxadde xiyaw rabi farhoona kinon, laakin geyoona makinooni. Rabih saanoona kinon, laakin rabi akko kuddo kinni.

7 # Yoo-eel 2:4 Amaa cawayni lel dhibah yinqirribe faarisih higgiduk yine. Amomuk dahab booraarih iggidam luuk yinin; ten nifof lel xiyawimih higgiduk yine. 8#Yoo-eel 1:6Ten dagar sayyootimih higgiduk yine; ten ikok lel luboktimih higgiduk yine. 9#Yoo-eel 2:5Birti dircitih iggidin dircit lel luuk yinin, ten galilhi dhaw lel dhibat gabolle yarde mango faaristi karrossastimih higgiduk yine. 10Igiirha balih lel sarrur kee ikok luuk yinin. Tamaa koona alsa xiyaw akah biyaakan xayla lel sinni sarrurudde luuk yinin. 11Nugusuh lel tamaa adda dherh boozoh malaykatto luuk yinin. Cibriyah lel kaa migac Abaddoon kuuk yine, Giriikih lel: “Abolliyoon” akko arhxuk yinin.

12Erherh bala tillabteh; taykinna, lamma bala racteh tane.

13 # Muuca 30:1-3 Sarrah, lix-ya malaykatti ishi thurumba yootokeyaako, Yallih nifille yane dahab mazbaxhi affara gashshaako wuli dhaw oobbe. 14Amaa lix-ya malaykatti thurumba luuk yineya lel: “Awufraathis naba nahaar agaagalle yumudhdhuweh yane affara malaykatto iftix” arhxuk yine. 15Amaymih amaa saaca, lellec, alsa kee iggidah yinqirribeh yine affara malaykatti, xiyawko maddaxit af yagdafoona yimfittixin. 16Amaa faarisik koreh yine maxaarhohi manga lel, lamma bool miliyoonya kuuk yine; ten manga arhxuk oobbe. 17Inni mablodde lel amaa faaris kee akko koreh yine mara taginah kinni ublem: usun girat gina, birti-dhayitti gina kee kirbit gina le dirce sariteenih yinin. Amaa faaristi amom lel lubokti amomuh higgiduk yine, ten afufko lel gira, tika kee baarud akko awcuk yine. 18Ta adooxa balahi sabbatah baarhot xiyawko maddaxit af bakiten, amayim lel tamaa ten afufko awcuk tine gira, tika kee kirbitih kinni. 19Amaa faaristi xayli ten afuf kee ten sarrurrudde yine, amaa ten sarrur carooraatimih higgiduk yine, amom lel luuk yine, amaymih abeenih kinni lel xiyaa biyaakak yiniinim.

20 # Zaabur 115:4-7; 135:15-17; Daaniyeel 5:23 Ta bala agdifekkah racte xiyaw lel, ten gabub abe abittotko maataabinnooni. Amaa junuun kee tamaa yablo hido yaabbo, hido gerho taana dahabko, fiddaako, naxasko, dhayitko, boxooko, siraaxime asnaamah yacbudiinim mixabinnooni. 21Amayim balih, usun sinni gidfo hido sinni shirxe hido sinni uma-xibar hido sinni garcaako maataabinnooni.

Currently Selected:

Waxye 9: SCC

Highlight

Copy

Compare