Popular Bible Verses from Waxye 8

Share

Amaa Leemi malxin-ya maxtam faake gedda, saacat abrha takkem carshelle sikko tekke.

Erherh malaykatti ishi thurumba yootoke, amalle lel biili adde yengele barad kee gira temeete. Tayim lel amaa baarholle cidditte. Baarhooko lel maddaxit af xarare, xorhko maddaxit af xarare, amayim balih andharh cashsho inkoh xararte.

Sarrah, kulux-erhxeh, lacani dhacumaatih andhaxak caranalle firiirixitak: “Adooxa malaykatti tamaa raaceh yane thurumbab yaatukin gedda ta baarholle martamak, sin careyta, sin careyta, sin careyta!” arhxuk kaa oobbe.

Malammit malaykatti ishi thurumba yootoke, bololta giraalih lel wuli naba koomah iggidinam badadde cidditte, amaa badko maddaxit af lel biilo yekke.

Maddaxit malaykatti ishi thurumba yootoke, naba xutukti lel dabetta balih ifak caranko rade, nahaaraatko maddaxit af kee layet raxeenalle rade. Amaa xutuktahi migac lel Cur-tarhxe xarha kuuk yine. Layeko maddaxit af lel cuure yekke, amaa laye cuure kuuk tinemhi sabbatah lel mango xiyaw raben.

Mafarrit malaykatti ishi thurumba yootoke, ayrottaako maddaxit af, alsaako maddaxit af, xutukko lel maddaxit af yumuttuke. Amaymih lel ten ifooko maddaxit af takkem dattowe. Lellecko maddaxit af dattowe, barko lel maddaxit af amayim balih.