2 Korintos 1
1
Salaamta
1 #
Fartottit hi Abittot 18:1 Yallih farhih Masiix kin Yeesus hi fartotta yekke Bawlos kee ni sacal Timoteyosko, tamaa Korintosulle geytimta Yallih kaniisa kee, umbuka Akhaayalle geytima yinqiddise marah tadiye farto kinni.
2Ni Abba kin Yalla kee Maddara kin Yeesus Masiixko nicma kee maaxiyo sinlih takkoo.
Umbuka ruftoh Yalla
3Ni Maddara kin Yeesus Masiix Yalla kee Abbah fayla takkoo. Usuk naxrurtat Abba kee umbuka ruftoh Yalla kinni. 4Nanu ninneh Yallaako geyne ruftoh tamaa yentseebebe marah inkoh rufto akah naxayekah ni dhicshiisho ciloh, inkoh ni tsabaabadde rufto noh taxayem kayya kinni. 5Nanu Masiix waaxelta mangaalih akah nangaleekah, Masiix araxah lel rufto gantah mangaalih nangale. 6Nanu nentseebebeh ninniyemko, sin rufto kee gargerih kinni; nanu rufto geynemko lel sin ruftoh kinni. Tamaa nanu waaxelsinna waaxelta lel sabreelih curtan. 7Ni waaxelta nottaalih akah tengeliiniikah, ni rufto gantah tangaloona kitiinim naarhigemhi sabbatah, tamaa sinadde lino cag yisbite tiya kinni.
8 #
1 Korintos 15:32
Ni saculo, Aasiyalle geyne tsabaaba sodhdhaanam sinak mifarhna. Ni dhicko aganalle cuuka nolle tekkemhi sabbatah ninni aniinaako nicdireh nine. 9Rummah lel rabit firde kabbatnemih nodde yimmingideh yine. Tayim laakin ninnedde akkekkah tamaa rabe mara ugusa Yalladde cikkishinno ciloh tekkem kinni. 10Usuk rabi xiyaa gudduusa gidcatko ni yeyyeece, ni yayyaaco lel kinni. Taymik sarrah ni yayyaaco kinamah lel kayyadde cag lino. 11Atin lel dhaacoh ni xattoona sinalle tane; amayim lel mango marahi dhaacoh geyna barakäh lel mango mari ni idhdhadde Yalla xamdishitoona kinon.
Bawlos xagara tanqiyyire
12Nanu akah cafadnam tayim kinni: ta caalamalle fertoh lel sinlih lino kabkabbot yinqiddise araxah kee Yallaako geytima cado-qalbeh kuuk yinem, ni afcaadohi dhaw nolle yashhide. Tayim lel xiyaw xikmah akkekkah, Yallih nicmah abnemhi sabbatah kinni. 13-14Atin tiqhriinim kee taarhigiinim kibah akim sinalle aktubinuk minane. Tamaa kado dagum akah nok taarhigiiniikah, niiroh kaamilik tafhamoona cag liyo. Ni Maddara kin Yeesus lellec lel ni zacabah cafaddoona kitin, nanu lel sin zacabah cafadno kino.
15Taymih thummut kuuk inemhi sabbatah, malammit gedda barkat kabbattoona ciloh ookomeh sinalle amaato farhe. 16#Fartottit hi Abittot 19:21Makedooniya aduuk sinalle emeeteh, Makedooniyaako gaxak lel sinadde icrhiyeh, Yahuudiya fanah aduuk yi sukuukuytoona sinak farhe. 17Tayim abo farhe gedda thab-arhxo taaneh kinniho? Xagara aba gedda, inki geddadde: “Yoo, yoo” kee “Maale, maale” yarhxeyaako xiyaw farhih yadiye tiya kiyoh kinniho? 18Yalli umun akah kinniikah, nanu sinah warishne ni waanitta “Yoo” kee “Maale” kuuk mitine. 19#Fartottit hi Abittot 18:5Tamaa, yotta, Silas#1:19 Silas Silasak, aki ginah Giriikih “Silwanos” akko yarhxin. kee Timoteyos sinah warroyishne Yallih Barha kin Yeesus Masiixim “Yoo” kee “Maale” kuuk miyine, laakin kaayim umman gedda “Yoo” kuuk yine. 20Yalli wacde akah sayem inkoh kaa araxah kinni “Yoo” takkem. Amaymih kinni lel kaa araxah Yallih nabnek “Amin” narhxem. 21Notta Masiix araxah sinlih ni yayrhibbisheti Yalla kinni, ni dooreh lel ni yuskuteh yane. 22Ishi maxtam nolle hayeyaako, carbuunuh ishi Ufaye ni afcaadodde hayeti lel kayya kinni.
23Korintos fanah sinalle akah amiite wayem, sin zeeloh kinamah Yalli yolle yashhide. 24Sinni imaanadde tisbitiinih taniinimhi sabbatah, atin xedentoona sinlih nashtuqhule kibah, sin imaanalle maddarit nakko maki.
Currently Selected:
2 Korintos 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
