Popular Bible Verses from 2 Korintos 1

Share

Ni Maddara kin Yeesus Masiix Yalla kee Abbah fayla takkoo. Usuk naxrurtat Abba kee umbuka ruftoh Yalla kinni. Nanu ninneh Yallaako geyne ruftoh tamaa yentseebebe marah inkoh rufto akah naxayekah ni dhicshiisho ciloh, inkoh ni tsabaabadde rufto noh taxayem kayya kinni.

Nanu Masiix waaxelta mangaalih akah nangaleekah, Masiix araxah lel rufto gantah mangaalih nangale.

Rummah lel rabit firde kabbatnemih nodde yimmingideh yine. Tayim laakin ninnedde akkekkah tamaa rabe mara ugusa Yalladde cikkishinno ciloh tekkem kinni.

Notta Masiix araxah sinlih ni yayrhibbisheti Yalla kinni, ni dooreh lel ni yuskuteh yane. Ishi maxtam nolle hayeyaako, carbuunuh ishi Ufaye ni afcaadodde hayeti lel kayya kinni.

Nanu nentseebebeh ninniyemko, sin rufto kee gargerih kinni; nanu rufto geynemko lel sin ruftoh kinni. Tamaa nanu waaxelsinna waaxelta lel sabreelih curtan.