1 Korintos 16

Yerusaalemille geytima yaamine marah tekette solaadi

1 # Rooma 15:25-26 Tamaa yinqiddise marah takke solaadi yayyaacinimhi zacabah; Galaatiyaati kanaayisih akah esxesseekah, atin gantah abanta. 2Amaa solaadi yayyaaciinim anu amiite geddadde yakkemko, umman baxuurooko afti maxadde, ummanti ishi-ishi dhicille, barhisheh oobishoo. 3Anu amiite gedda lel, amaa sin muttuxuwa Yerusaalem gudduusoona tamaa atin doorten mara, caddosti jawawub alle oxoyeh ten dhirhiyo kiyo. 4Anu adiyem farhshishshemko lel, usun yottaalih yadawna kinon.

Kallaaxi xagara

5 # Fartottit hi Abittot 19:21 Makedooniyaako tillaabo kiyomhi sabbatah, Makedooniyaako tillaabak sarrah sinalle amaato kiyo. 6Kallaaxeh alle adiinnanille yi sukuukuytoona ciloh, sinlih baxuurusam hido dhamxin waqhte tillaabisham takke. 7Arax yadiye ekkeh bisa sin ablo mifarha. Yalli farhemko, sinlih baxuurusam kixiniyo. 8#Fartottit hi Abittot 19:8-10Efesosulle aykee Bentheqostheeti cid fanah sugo kiyo. 9Makko-le ciyyoh naba caraf yoh fakkiteh yane, yi didde kin mari laakin mangon.

10 # 1 Korintos 4:17 Timoteyos sinalle amiitinnan gedda lel, yotta balih Maddari ciyyo aba tiya kinamhi sabbatah, mashshi hinnim sinlih akah sugaakah akko abanta. 11Amaydo, walaa inketti kaa ilaace wayoo. Amaa sacullih yamaato kaa ilaalak aniyomhi sabbatah, yottalle gaxo ciloh farhshishsham akah toxoynih, maaxiyodde kaa sukuukuwanta.

Abayshimat fawo

12Abolloos ni sacalhi zacabah yekkemko, amaa ni sacullih sinalle yamaato sirii ginah kaa dhaacime, kaa farhi makkinnamhi sabbatah laakin, kado sinalle amiituk miyane. Caashir geyinnan gedda lel sinalle yamaato kinni.

13Himma-abitanta, imaanalle isbita, labha tika, isriya. 14Abinnannim kaxanodde abanta.

15 # 1 Korintos 1:16 Yi saculo, Istifaanos dik, Akhaayaati baarholle erherhih yeemene mara kinoonim kee sinni nabse yinqiddise marahi khidmah yoxoynim taarhigin. 16Atin lel ta gina le mara kee inkoh nottaalih yakhdume mara kee xawala marah tam-azzazoona sin asuusak aniyo. 17Istifaanos, Fortunaatos kee Akhaykos yemeetiinimih xedeneena kiyo. Amayim lel sin idhdha yekkiinih yok tunqusem yoh yiskmiliinimhi sabbatah kinni. 18Sin ufaye kee yi ufaye yuscurufiinih kinon. Amaydo, atin ten taarhigiinim akah eedda.

Salaamta

19 # Fartottit hi Abittot 18:2 Aasiyalle yane kanaayis salaamat sinak yarhxin. Akiila kee Biriskilla, tamaa ten caredde takatte kaniisat mari, Maddari migacalle mangum salaamat sinak yarhxin. 20Sacul inkoh salaamat sinak yarhxin. Atin lel tinqiddise fugtoh salaam sittiyak erhexa.

21Ta salaamta, Bawlosuk anu inni gabah uktube tiya kinni. 22Ni Maddara akxininnixeti yinniyemko, abaaro-le yakkoo. Ni Maddara, amo! 23Maddara kin Yeesus nicma sinlih takkoo. 24Yi kaxani inkoh Masiix kin Yeesus araxah sinlih yakkoo. Amin.

Currently Selected:

1 Korintos 16: SCC

Highlight

Copy

Compare