1 Korintos 15
15
Yeesus Rabaakohi ugut
1Kado lel yi saculo, tamaa anu sinalle warroyshe mece ware sin duhsuuso farhak aniyo. Amayim lel, tamaa kabbatteenih, alle soolteenih taniinim kinni. 2Tamaa anu sinalle warroysha waanittalle tisbitiinimko, gargeerimteenih tanin, akke wayemko sin imaan foyya kinni.
3 #
Isayas 53:5-12
Tamaa anu kabbaatem ummanimko basolle sinalle tillaabisheh aniyo, tamaa Kutuub akah yarhxeekah lel, Masiix ni zambeh arhxuk rabeh, 4#Zaabur 16:10; Maatiyos 12:40; Luukas 24:46; Fartottit hi Abittot 2:24-32yumuccugeh, Kutuub akah yarhxeekah lel maddaxit lellec rabaako uguteh, 5#Maatiyos 28:16-17; Markos 16:14; Luukas 24:34,36; Yohannis 20:19Keefah yumbulluwe, sarrah lel lamman kee tamanah yumbulluwe. 6Amaymik sarrah, koona boolko ziyaada saculuh inki geddalle yumbulluwe, tenko mango mari kaafa fanah yanin, gari laakin dhiineenih yanin. 7Amaymik sarrah, Yacqoobuh yumbulluwe, sarrah lel inkoh fartottitih yumbulluwe. 8#Fartottit hi Abittot 9:3-6Umman tenko sarrah lel, waqhte maleh yoobokeh iggidin yottah gantah yumbulluwe. 9#Fartottit hi Abittot 8:3Anu umbuka fartottitko gaxa tiya kiyo, amaa Yallih kaniisa hadane tiya kiyomhi sabbatah lel, fartottah decsiimam yoh mimissila. 10Yallih raxmah laakin anu kiyo tiya kiyo, kaa raxma lel foyya makkinna. Rummah, umman tenko ziyaada ukhdume, yottaalih tane Yallih raxmah kibah laakin yotta maki. 11Farheh yotta, hido tena yekkeh, taginah kinni warroyishnam, atin lel taginah kinni teemeniinim.
Rabaakohi ugut
12Masiix rabaako ugutem warroytemko, aaginah kinni sinko gari rabaakohi ugut miyane yarhxiinim? 13Rabaakohi ugut anniye wayemko, amaydo Masiix gantah rabaako uguteh miyane. 14Masiix rabaako uguteh anniye wayemko, amaydo ni warroyishnan foyya kinni, sin imaan lel foyya kinni. 15Yalli Masiix rabaako ugusem warroyishnemih, zirabti shohoda nekke, rabe mara uguse wayem rumma yekkemko, Masiix gantah rabaako muugusinna. 16Amayim lel rabe mari uguteenih akke wayenimko, Masiix gantah rabaako muugutinna macna kinni. 17Masiix rabaako uguteh akke wayemko, sin imaan foyya kinni, kaddik lel sinni zambedde tanin. 18Sarrah, tamaa Masiixih yeemeneh dhiine mari gantah yeleynih yanin. 19Masiixidde lino cag ta udduuniyalle bisa yekkemko, umman maraako ziyaada akah xazzanowan mara kino.
20Masiix laakin rummah rabaako ugute, taginah lel dhinko uguta marahi afti darotta yekke. 21Amaydo, tamaa rabi inki xiyawtih araxah akah temeeteekah, rabaako ugutaanam lel inki xiyawti araxah temeete. 22Ummanti Adam araxah akah rabeekah, ummanti Masiix araxah yane mara yakkoona kinon. 23Laakin ummanti ishi-ishi rigah, erherhih Yeesus ugute, sarrah kaa gaxnanalle tamaa Masiix mari ugutoona kinon. 24Masiix lel umman nizaam, umman reeza kee xayla yiscireh, amaa nigsinna Abba kin Yallah baaha gedda, abayshima takko kinni. 25#Zaabur 110:1Amayim lel ishi nacabtoolit inkoh ishi ibahi geridde hayandah yangaso kaalle tanemhi sabbatah kinni. 26Abayshimat cangi yamsaccaro leya lel rabi kinni. 27#Zaabur 8:6“Yalli umman tiya am-azzazah kaa ibahi geridde akah haye” yarhxiinim tunkuttubeh tane. “Ummannim akah tim-izzize” yarhxiinim tunkuttubeh taneya, amaa akah tam-azzazo akko abe tiya tablem makinam mudhdhug kinni. 28Ummanim akah tim-izzizemko sarrah, Yalli ummannim kee ummanidde yakko ciloh, Barhi isheh ummannim kayyah akah tam-izzizeekah abe tiyah yam-azzazo kinni.
29Akke wayemko, rabe tiyahi idhdhadde yanthimmiqhe mari ayim kinni abak yaniinim? Inkinnah rabe mari ugute waynimko, aymih kinni ten idhdhadde yanthimmiqhiinim? 30Nanu aymih kinni umman saaca gidcatadde saynam? 31Yi saculo, anu maaxi yamaato rabo farham, sin sabbatah ni Maddara kin Yeesus Masiix araxah liyo cafad kinam, sinah caddoyisha. 32#Isayas 22:13Efesosulle alluulaalih engeecem, xiyaw cagah bisa yakkeedo, yi kasbi ayim kinni? Rabe mari uguteenih akke wayemko laakin, tamaa: “Beera rabno kinok, benneh naacabo” yerhxiinim balih kinni. 33Midoolabimina: “Uma zoobatti mece adabe caynisha” 34Missilam kinnik sinni afcaadolle gaxanta, zambe lel maabina. Tayim lel gari Yallih idhdhaaget maloonimhi sabbatah kinni. Tayim lel xoolashshittoona sinak arhxem kinni.
Rabaako ugute nabse
35Xiyawko gari: “Rabe mari aaginah kinni ugutaanam? Aagina le nabseelih kinni yamiitiinim?” yarhxoona kinon. 36Ko duuda! Atu tazriyem rabe wayemko ufaye mibaaha. 37Atu tazriyem lel, tamaa yabqalo-le nabse akkekkah, sinraa hido aki ilaw zara bisa kinni. 38Yalli lel isheh farhe nabse akah yaxaye, umman caynah zarattoh lel kaa-kaa nabse akah yaxaye. 39Xiyaw xazotta ulah, bahaayimti xazotta ulah, kimbirti xazotta ulah, caasat xazotta lel ulah kibah, umman xazotta lem maki. 40Carshi nabsi yane, baarhot nabsi yane, yakko kibah carshi-tiyahi nabne akettö kinni, baarhottiyahi nabne lel akettö kinni. 41Wuli ayrot nabne tane, aki alsi nabne lel tane, aki xutukti nabne lel tane; nabneh xutukti xutuktaako barhsima.
42Amaydo, rabe marahi ugut amaa ginah kinni. Yimzirriyeti yalaye, uguteti lel miyalaye. 43Carhuumussedde yamzirriye, nabneelih uguta. Tantodde yamzirriye, xaylaalih uguta. 44Thabiicat nabsek yamzirriye, ufaye kin nabsek uguta. Thabiicat nabsi yinniyemko, ufaye kin nabsi lel yane. 45#Erhedhdhö 2:7“Afti xiyawti Adam, aniina le tiya yekke” yarhxiinim tunkuttubeh tane. Sarroorimat Adam lel aniina yaxaye ufaye yekke. 46Laakin erherhih tamaa thabiicat tiya, sarrah lel ufayi tiya kibah, amaa ufayi-ti erherhadde maki. 47Erherh xiyawti baarhooko kinnih, baarhottiya kinni, malammit xiyawti lel carsheeko kinni. 48Baarhot mari tamaa baarhottiya balih kinon, tamaa carshi-mari lel carshi-tiya balih kinon. 49Nanu tamaa baarhottiyahi misle akah beyneekah, carshi-tiyahi misle gantah beyno kino.
Sirre kee nasre
50Yi saculo, anu sinah warishak aniyo: xazotta kee biilo, Yallih nigsinna yawrashoona akah taaneeniikah, yalayeti alayinnixe tiya yawrasho mirhiica. 51#1 Tessaloniike 4:15-17Taykinna! Mashthir sinah warishak aniyo. Nanu inkoh dhinno makino, inkoh laakin nambaddalo kino. 52Toye takko lem lel abayshimat thurumba andhaxta gedda, inki geddalle, inti xaf-tarhxeh sam-tarhxem hidhdhalle kinni. Amaa thurumba andhaxta gedda, rabtem alayinnixe mara balih ugutoona kinon, nanu lel nambaddalo kino. 53Amayim lel amaa yalaye nabsi alayinnixe nabse hashshiito, raba nabsi lel rabinnixe nabse hashshiito alle tanemhi sabbatah kinni. 54Yalayeti alayinnixem hashshiitah, rabati rabinnixem hashshiitta gedda ta tunkuttubeh tanem takko kinni:
#
Isayas 25:8
“Rabi nasredde tumundhuce”
55 #
Hosheeca 13:14
“Ko raba, ku nasri awla yane?
Ko raba, ku muduma awla tane?”
56Rabit muduma zambe kinni, zambi xayli lel sercat kinni. 57Laakin, ni Maddara kin Yeesus Masiix araxah nasre noh yoxoye Yallah xamde takkoo!
58Amaydo, yinkixxine yi saculo, qath-erhexa, inkille isbita, Maddarah arhxitin abtan xawal foyya makinam teerhegiinih, umman gedda Maddari ciyyodde esseesanta.
Currently Selected:
1 Korintos 15: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
