Popular Bible Verses from 1 Korintos 15

Share

Amaydo, yinkixxine yi saculo, qath-erhexa, inkille isbita, Maddarah arhxitin abtan xawal foyya makinam teerhegiinih, umman gedda Maddari ciyyodde esseesanta.

Laakin, ni Maddara kin Yeesus Masiix araxah nasre noh yoxoye Yallah xamde takkoo!

Midoolabimina: “Uma zoobatti mece adabe caynisha”

Yallih raxmah laakin anu kiyo tiya kiyo, kaa raxma lel foyya makkinna. Rummah, umman tenko ziyaada ukhdume, yottaalih tane Yallih raxmah kibah laakin yotta maki.

“Ko raba, ku nasri awla yane? Ko raba, ku muduma awla tane?” Rabit muduma zambe kinni, zambi xayli lel sercat kinni.

Taykinna! Mashthir sinah warishak aniyo. Nanu inkoh dhinno makino, inkoh laakin nambaddalo kino. Toye takko lem lel abayshimat thurumba andhaxta gedda, inki geddalle, inti xaf-tarhxeh sam-tarhxem hidhdhalle kinni. Amaa thurumba andhaxta gedda, rabtem alayinnixe mara balih ugutoona kinon, nanu lel nambaddalo kino.

Amaydo, tamaa rabi inki xiyawtih araxah akah temeeteekah, rabaako ugutaanam lel inki xiyawti araxah temeete. Ummanti Adam araxah akah rabeekah, ummanti Masiix araxah yane mara yakkoona kinon.

Amayim lel amaa yalaye nabsi alayinnixe nabse hashshiito, raba nabsi lel rabinnixe nabse hashshiito alle tanemhi sabbatah kinni.

Amayim lel ishi nacabtoolit inkoh ishi ibahi geridde hayandah yangaso kaalle tanemhi sabbatah kinni. Abayshimat cangi yamsaccaro leya lel rabi kinni.