1 Korintos 12
12
Ufayi muttuxuwa
1Kado, yi saculo, Ufayi muttuxuwah zacabah sodhdhoona sinak mifarha. 2Yallah aamine wayak tinin gedda, doolabimtaanah naxar hin asnaam fanah hido-hidoh aduuk tiniinim taarhigin. 3Amaydo, Yallih Ufayeh waanishah: “Yeesus abaaro-le kinni” yarhxeti miyanem; amayim balih, Quddus kin Ufayi araxah akke wayemko: “Yeesus Maddara kinni” yarhxo dhiicati miyanem taarhagoona sinak farha.
4 #
Rooma 12:6-8
Amaydo, barhsimte muttuxuwa tane, laakin Ufayi inketta kinni; 5barhsime khidmam yane, Maddari laakin inketta kinni. 6Umman caynah ciyyo tane, amayim umman tiyadde abtam laakin inki Yalla kinni. 7Quddus kin Ufayi leyamhi caddos umman sinah yomxoyem, inkiddehi nafaacah kinni. 8Wuli tiyah Ufayi araxah xikmat waani akah tamxaye, akettoh lel amaa Ufayi araxah irhgat waani akah tamxaye. 9Akettoh amaa Ufayi araxah imaan akah yamxaye, wuliti lel amaa Ufayehi araxah urusnan muttuxuwa akah tamxaye. 10Wuli tiyah bexsishsham abaanam, wuli tiyah nabii balih waanishaanam, wuli tiyah ufayit barhishaanah yaysherheerhegiinimhi dhic, akettoh barhsime afofuh waanishaanam, wuli tiyah lel amaa afof yayfissiriinimhi dhic akah yamxaye. 11Umbuka tayim abtam amaa inki Ufaye yekkeh, isheh akah farheekah umman tiyah barhsimte muttuxuwa yaxaye.
Inki nabse barhsime karimlih
12 #
Rooma 12:4-5
Tamaa inki nabsi barhsime karim akah leyaakah, umbuka nabsi karim, mangum kuuk, inki nabse kinni, Masiix lel amaa gina kinni. 13Nanu Yahuud hido Giriik xiyaw, garuuza hido ishi finja le mara, inkoh inki nabsedde ninthimmiqhe, inkoh lel inki Ufaye naacubeya kabbatne.
14Amayim lel, nabsi mango karim kibah inki karima maki leyam. 15Ibi: “Anu gaba makiyomhi sabbatah, nabsi tiya makiyo” yerhxemko, taymih nabsi karima yakkiinim akah miracta. 16Cokka lel: “Anu inti makiyomhi sabbatah, nabsi karima makiyo” terhxemko, taymih nabsi karima yakkiinim akah miracta. 17Umbuka nabsi inti kuuk yineh yakkeedo, maabbo awla anniye dhadhdhe? Umbuka nabsi cokka kuuk yineh yakkeedo, unrayishnan awla anniye dhadhdhe? 18Laakin akah taneekah, Yalli isheh akah farheekah nabsi karim cara-carah haye. 19Umbukaahim inki karima kuuk tineh takkeedo, nabsi awla anniye dhaarhe? 20Amaydo kado, amaa karim yammango kibah, inki nabse kinni.
21Inti gabak: “Atu yi mifarhshishsha”, amayim balih amo ibak: “Atu yi mifarhshishsha” akko tarhxo mirhicta. 22Yakko kibah, tamaa rukutah iggidin nabsi karim mangum farhshishsham kinon; 23tamaa makko malemih nodde iggidin karimih, naba xishma akah naxaye, yabloona xoola kin karim lel meceetih alifna. 24Tayim lel yambulluwe ni karim kaa mifarhshishsha. Laakin Yalli tamaa xishma hin karimih naba xishma yaxaw ciloh, nabse meceetih yeyrhebeebeshe. 25Nabsedde barhsi miyanniye, yakko kibah karim lemille sittiya baclaysha. 26Inki karima waaxelsittemko, umbuka karim waaxelsiita; inki karima xishma geytemko, inkoh inkidde xedenan.
27Kado, atin Masiix nabse kitin, inkeekettah lel kaa karim kitin. 28#Efesos 4:11Yalli lel amaa kaniisadde erherhih fartottit, malammih nobowa, maddaxih mudarrisiin haye, amaymik sarrah, bexsishsham aba mara, urusnan muttuxuwa le mara, xattimtam, yasxedeedere mara kee barhsime afofuh waanishsha mara haye. 29Inkoh fartottit kinooni? Inkoh nobowa kinooni? Inkoh mudarrisiin kinooni? Inkoh bexsishsham abaana? 30Inkoh urusnan muttuxuwa looni? Inkoh aki afofuh waanishaana? Inkoh yayfissiriini? 31Tamaa naba muttuxuwa laakin hambereeroolih duumutanta.
Anu lel ummanimko mangum yashshe arax sin ayballaw kiyo.
Currently Selected:
1 Korintos 12: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
