Popular Bible Verses from 1 Korintos 12

Share

Quddus kin Ufayi leyamhi caddos umman sinah yomxoyem, inkiddehi nafaacah kinni.

Kado, atin Masiix nabse kitin, inkeekettah lel kaa karim kitin.

Inki karima waaxelsittemko, umbuka karim waaxelsiita; inki karima xishma geytemko, inkoh inkidde xedenan.

Wuli tiyah Ufayi araxah xikmat waani akah tamxaye, akettoh lel amaa Ufayi araxah irhgat waani akah tamxaye. Akettoh amaa Ufayi araxah imaan akah yamxaye, wuliti lel amaa Ufayehi araxah urusnan muttuxuwa akah tamxaye. Wuli tiyah bexsishsham abaanam, wuli tiyah nabii balih waanishaanam, wuli tiyah ufayit barhishaanah yaysherheerhegiinimhi dhic, akettoh barhsime afofuh waanishaanam, wuli tiyah lel amaa afof yayfissiriinimhi dhic akah yamxaye.

Umbuka tayim abtam amaa inki Ufaye yekkeh, isheh akah farheekah umman tiyah barhsimte muttuxuwa yaxaye.

Nabsedde barhsi miyanniye, yakko kibah karim lemille sittiya baclaysha.

Amaydo, barhsimte muttuxuwa tane, laakin Ufayi inketta kinni; barhsime khidmam yane, Maddari laakin inketta kinni. Umman caynah ciyyo tane, amayim umman tiyadde abtam laakin inki Yalla kinni.

Yalli lel amaa kaniisadde erherhih fartottit, malammih nobowa, maddaxih mudarrisiin haye, amaymik sarrah, bexsishsham aba mara, urusnan muttuxuwa le mara, xattimtam, yasxedeedere mara kee barhsime afofuh waanishsha mara haye.

Amayim lel, nabsi mango karim kibah inki karima maki leyam.

Yakko kibah, tamaa rukutah iggidin nabsi karim mangum farhshishsham kinon

Umbuka nabsi inti kuuk yineh yakkeedo, maabbo awla anniye dhadhdhe? Umbuka nabsi cokka kuuk yineh yakkeedo, unrayishnan awla anniye dhadhdhe? Laakin akah taneekah, Yalli isheh akah farheekah nabsi karim cara-carah haye. Umbukaahim inki karima kuuk tineh takkeedo, nabsi awla anniye dhaarhe?