Apocalipsa 8
8
Vula a Shaptea sh-Timeanitsa di Furii
1Cãndu disfeatsi vula a shaptea, tu tser s-featsi tãtseari aproapi giumitati di oarã. 2Deapoea vidzui shapti anghilji cai shidea nãintea al Dumnidzãu sh-a lor lã si deadirã shapti trumpeti. 3Vini sh-un altu anghil, tsi avea unã timeanitsã di furii shi stãtu la altar. A lui lji si deadi multã timeamã tra s-u dãdea deadun cu rugãciunjili a oaminjlor sãmtsã a Dumnidzãlui pri altarlu di furii tsi easti nãintea a thronlui. 4Sh-fumlu a timeamãljei deadun cu rugãciunjili a sãmtsãlor, s-alinã nãintea al Dumnidzãu dit mãna a anghilui. 5Atumtsea anghilu lo timeanitsa, u-umplu dit foclu a altarlui sh-u arcã pri loc. Deapoea s-featsirã bumbunidzãri, aurlãri, sfulguri sh-un cutrembur.
Trumpetili
6Shapti anghilji, cai avea di shapti trumpetili, s-azãrãsirã s-asuna trumpetili. 7Protlu anghil asunã trumpeta shi s-featsi grãndinã sh-foc misticat cu sãndzi. Deapoea s-arcã pri loc sh-unã a treia parti a loclui sh-unã a treia parti a ponjilor sh-tutã iarba atsea veardea s-arsi.
8A doilu anghil asunã trumpeta sh-tsiva ca un munti mari tsi s-ardea pri foc, s-arcã tu amari sh-unã a treia a amariljei s-featsi sãndzi, 9unã a treia parti a fãpturilor atsilor yii cai suntu tu amari supsirã sh-unã a treia a pamporilor s-asparsirã.
10A treilu anghil asunã trumpeta sh-dit tser cãdzu unã steauã mari, cai s-ardea ca shindanã sh-cãdzu pri unã a treia a arãurilor sh-a izvurilor di apã. 11Numa a steauãljei easti “Pelin” sh-unã a treia parti a apilor s-featsi pelin sh-multsã oaminji murirã di apili, cã s-featsirã amari.
12A patru anghil asunã trumpeta shi s-agudi di unã a treia parti a soarilui, unã a treia parti a lunãljei sh-unã a treia parti a stealilor, tra si ntunica unã a treia parti a lor sh-unã a treia parti a dzuãljei s-nu lunjina ma sh-noaptea tutashã. 13Deapoea vidzui sh-avdzãi boatsea a unui vultur cai azbuira tu mesea a tserlui dzãcãnda cu boatsi analtã: “Cavai, cavai, cavai di atselji tsi bãneadzã pri loc, trã itia a asunãrilor atsilor alti trumpeti, cai trelji anghilji va asunã!”
Currently Selected:
Apocalipsa 8: BLRR
Highlight
Copy
Compare
Share
Want to have your highlights saved across all your devices? Sign up or sign in
