Ioan 15
15
Yita sh-Dedzili
1“Mini escu yita alihioasã sh-Tatãl a meu easti ayinjearlu. 2Itsi vlãstar tu mini, tsi nu da carpo elu l-talji, sh-itsi vlãstar tsi da carpo elu u ndreadzi tra s-da ma multu carpo. 3Voi tora hits chischinji, trã itia a zborlui tsi vã dzãsh. 4Armãnets tu mini sh-mini tu voi. Vãrã vlãstar nu poati s-da carpo di la nãsu, ca s-nu armãnã tu yitã, ashã sh-voi nu dats carpo macã nu armãnets tu mini. 5Mini escu yita, voi hits vlãstãrili. Cai armãni tu mini sh-mini tu nãsu, atsel da multu carpo, cã fãrã di mini nu putets s-fãtsets tsiva. 6Macã vãrã nu armãni tu mini, s-arucã nafoarã ca vlãstarlu shi s-usucã. Deapoea li adunã, sh-li arucã tu foc tra s-ardã. 7Macã armãnets tu mini shi zboarili a meali armãn tu voi, cãftats tsi s-vrets sh-va vã si fac. 8Tatãl a meu easti multumãrit tu aestã, tra s-dutsets multu carpo shi s-vã fãtsets ucenitsilji a melji. 9Ashã cum Tatãl mi ari vrut mini, ashã sh-mini vã am vrut voi. Tora armãnets tu vrearea a mea. 10Ma s-vigljeats dimãndãrili a meali, va s-armãnets tu vrearea a mea, ashã di-cum mini vigljeai dimãndãrili a Tatãlui a meu sh-armãn tu vrearea a lui. 11Aesti vã li spush tsi haraua a mea s-armãn tu voi sh-haraua a voastrã s-hibã ntreagã. 12Aestã easti dimãndarea a mea: S-vã vrets cu un-alantu, ashã cum mini vã am vrut voi. 13Vãrã nu ari vreari ma mari di aestã: S-da bana trã oaspitslji a lui. 14Voi hits oaspitslji a melji, macã fãtsets itsido tsi mini vã dimãndu. 15Mini nu vã acljem ma huzmicheari, cã huzmichearlu nu shti tsi fatsi nicuchirlu. Ma mini vã am acljimat oaspits, cã vã feciu s-cunushtets tuti tsi avdzãi di la Tatãl a meu. 16Nu mi aleapsit voi mini, ma mini vã alepshu voi, sh-vã bãgai s-vã dutsets shi s-dats frut, shi frutlu a vostru s-armãnã. Itsido tsi va lji cãftats a Tatãlui tu numa a mea, elu va s-vã da. 17Aestã vã-ursescu: S-vã vrets cu un-alantu.”
Lumea Aurashti Ucenitsilji
18“Macã lumea vã aurashti, sã shtits cã ma nãinti mi ari auratã mini. 19Ma s-earat dit lumea, lumea va vã vrea ca a ljei. Trã atsea cã nu hits dit lumi, mini vã alepshu dit lumi, sh-trã aestã itii lumea vã aurashti. 20Adutsets aminti zborlu tsi mini vã dzãsh: ‘Huzmichearlu nu easti ma mari dicãt nicuchirlu a lui.’ Macã mi au avinatã mini, va s-vã avinã sh-voi. Macã vigljearã nvitsãtura a mea, va u-veaglji shi nvitsãtura a voastrã. 21Tuti aesti va vã li facã trã itia a numãljei a mea, cã nu cunoscu atsel tsi mi ari pitricut. 22Ma s-nu aveam yinit shi s-nu lã aveam grãit a-lor, nu va avea cãbati ti amãrtiili. Ma tora elji nu au ljirtari di amãrtiili a lor. 23Cai mi aurashti mini, aurashti sh-Tatãl a meu. 24Ma s-nu aveam adratã la elji faptili tsi vãrã altu nu li featsi, nu va s-avea cãbati ti amãrtiili. Ma tora au vidzut, shi mi au auratã sh-mini sh-Tatãl a meu 25Ma aestã undzi tra si mplineascã zborlu scriatã tu Legea a lor: ‘Mi au auratã fãrã itii.’ ”#Ps 35:19; 69:4.
Lucrul al Duhlu Sãmtu
26“Ma cãndu s-yinã Diznjirdãtorlu, tsi va s-vã pitrec di la Tatãl, Duhlu a alihiljei, tsi easi di la Tatãl, elu va s-mãrtirseascã trã mini. 27Sh-voi, tutashã, prindi s-mãrtirsits, cã earat cu mini di tu apãrnjitã.”
Currently Selected:
Ioan 15: BLRR
Highlight
Copy
Compare
Share
Want to have your highlights saved across all your devices? Sign up or sign in
