Popular Bible Verses from Ioan 15

Share

Mini escu yita, voi hits vlãstãrili. Cai armãni tu mini sh-mini tu nãsu, atsel da multu carpo, cã fãrã di mini nu putets s-fãtsets tsiva.

Armãnets tu mini sh-mini tu voi. Vãrã vlãstar nu poati s-da carpo di la nãsu, ca s-nu armãnã tu yitã, ashã sh-voi nu dats carpo macã nu armãnets tu mini.

Macã armãnets tu mini shi zboarili a meali armãn tu voi, cãftats tsi s-vrets sh-va vã si fac.

Nu mi aleapsit voi mini, ma mini vã alepshu voi, sh-vã bãgai s-vã dutsets shi s-dats frut, shi frutlu a vostru s-armãnã. Itsido tsi va lji cãftats a Tatãlui tu numa a mea, elu va s-vã da.

Vãrã nu ari vreari ma mari di aestã: S-da bana trã oaspitslji a lui.

Itsi vlãstar tu mini, tsi nu da carpo elu l-talji, sh-itsi vlãstar tsi da carpo elu u ndreadzi tra s-da ma multu carpo.

Aestã easti dimãndarea a mea: S-vã vrets cu un-alantu, ashã cum mini vã am vrut voi.

Tatãl a meu easti multumãrit tu aestã, tra s-dutsets multu carpo shi s-vã fãtsets ucenitsilji a melji.

“Mini escu yita alihioasã sh-Tatãl a meu easti ayinjearlu.

Macã vãrã nu armãni tu mini, s-arucã nafoarã ca vlãstarlu shi s-usucã. Deapoea li adunã, sh-li arucã tu foc tra s-ardã.

Aesti vã li spush tsi haraua a mea s-armãn tu voi sh-haraua a voastrã s-hibã ntreagã.

Ma s-vigljeats dimãndãrili a meali, va s-armãnets tu vrearea a mea, ashã di-cum mini vigljeai dimãndãrili a Tatãlui a meu sh-armãn tu vrearea a lui.

Aestã vã-ursescu: S-vã vrets cu un-alantu.”

Ma s-earat dit lumea, lumea va vã vrea ca a ljei. Trã atsea cã nu hits dit lumi, mini vã alepshu dit lumi, sh-trã aestã itii lumea vã aurashti.