1 Petru 5
5
Nvitsãturili trã Aushlji sh-trã Tinirlji
1Lã fac rigeai a aushlor cai suntu tu mesea a voastrã, mini cai escu aush ca voi, martir a munduirilor al Hristos sh-acljimat la mãrirea tsi va s-dizvãleascã unã dzuã. 2Vigljeats cupia a Dumnidzãlui, tsi vã easti pistipsitã a voauã, vigljiãnda nu cu zori, ma cu vreari, nu ti amintatic nitinjisitã, ma cu vreari bunã. 3Nu vã spunets ca domnji pri atselji tsi vã suntu pistipsitã, ma s-hits ca exemplu trã cupia. 4Sh-cãndu s-aspunã Marlu Picurar, va loats curuna a mãririljei tsi nu s-usucã.
5Tutashã, voi tiniri sumbãgats-vã a aushlor. Tuts trã un-alantu nvishtets-vã cu aplicãciuni, cã:
“Dumnidzãlu lã ncuntreadzã fudulji
sh-lã da har a aplicatsilji.”#Prov 3:34.
6Trã atsea, aplicats-vã sum mãna atsea vãrtoasa a Dumnidzãlui, tsi elu s-vã analtsã tu chirolu tsi prindi. 7Alãsats tuti mirãchili a voastri tu mãna a lui, cã elu ari angãtan ti voi.
8S-hits dishtiptat sh-vigljeats! Neamiclu a vostru, draclu, yini anvãrliga ca un ljundar tsi aurlã, cãftãnda cã cai s-mãcã. 9Ncuntrats atsilui, niminat tu pisti. Prindi s-shtits cã idyili munduiri ma li tragã sh-fratslji a voshtri arãspãndits tu lumi.
10Dupã tsi s-avets traptã di putsãn chiro, Dumnidzãlu a caitsido har, tsi vã acljimã tu mãrirea a lui di totãna tu Hristolu, elu va vã perfectsioneadzã, va vã andoapirã, va vã nvãrtusheadzã sh-va vã thimiljeadzã. 11A lui s-lji hibã putearea tu eta a etilor. Amin!
Salutãrili di Soni
12Vã scriai shcurtu prit Silvanlu, cai lu tinjisescu ca fratili atsel-pistimenlu, tra s-vã inimusimu shi s-vã mãrtirsimu cã harul atsel-alihioslu a Dumnidzãlui easti aestu, la cai voi stats. 13Bisearica tsi easti tu Babilonii#5:13 zborlu easti trã bisearica tsi s-afla Roma, tsi easti aleaptã deadun cu voi, vã da sãnãtati. Tutashã sh-Marcu, hiljiu a meu vã pitreatsi sãnãtati.
14Salutats-vã cu un-alantu cu un sãmtã bãshari.
Pacea s-hibã pri voi tuts tsi hits tu Hristolu!
Currently Selected:
1 Petru 5: BLRR
Highlight
Copy
Compare
Share
Want to have your highlights saved across all your devices? Sign up or sign in
