Popular Bible Verses from 1 Petru 5

Share

Alãsats tuti mirãchili a voastri tu mãna a lui, cã elu ari angãtan ti voi.

Dupã tsi s-avets traptã di putsãn chiro, Dumnidzãlu a caitsido har, tsi vã acljimã tu mãrirea a lui di totãna tu Hristolu, elu va vã perfectsioneadzã, va vã andoapirã, va vã nvãrtusheadzã sh-va vã thimiljeadzã.

S-hits dishtiptat sh-vigljeats! Neamiclu a vostru, draclu, yini anvãrliga ca un ljundar tsi aurlã, cãftãnda cã cai s-mãcã. Ncuntrats atsilui, niminat tu pisti. Prindi s-shtits cã idyili munduiri ma li tragã sh-fratslji a voshtri arãspãndits tu lumi.

Trã atsea, aplicats-vã sum mãna atsea vãrtoasa a Dumnidzãlui, tsi elu s-vã analtsã tu chirolu tsi prindi.

Tutashã, voi tiniri sumbãgats-vã a aushlor. Tuts trã un-alantu nvishtets-vã cu aplicãciuni, cã: “Dumnidzãlu lã ncuntreadzã fudulji sh-lã da har a aplicatsilji.”