2 Petru 1
1
1Simon Petru, huzmichear sh-apostul al Isus Hristos, atsilor tsi au loatã ca sh-noi idea pisti scumpã prit ndriptatea a Dumnidzãlui a nostru shi a Ascãpãtorlui Isus Hristos:
2Har sh-pace s-vã si multseascã a voauã prit cunushtearea a Dumnidzãlui sh-al Isus, Domnului a nostru.
Vulusirea a Acljimariljei sh-Alidzearea trã Niscãntsã
3Putearea a lui dumnidzeascã nã durusi tuti atseali tsi lji lipsescu a banãljei dumnidzãsitã prit cunushtearea atsilui tsi nã acljimã prit mãrirea sh-bunãtatea a lui. 4Prit aesti nã-si durusirã tãxiri multi mãri sh-axiusiti, cu nãeti tsi prit nãsi s-vã fãtsets pãrtashi cu natura dumnidzãsitã, dupã tsi ascãpat di aspãrgãciunea a lumiljei, faptã di orixili atseali arali.
5Trã aestã, cilistisits-vã s-lji adãvgats a-pistiljei a voastrã virtutul, sh-tu virtut cunushtearea, 6sh-la cunushtearea contsãnearea, sh-la contsãnearea arãvdarea, sh-la arãvdarea dumnidzãsirea, 7sh-la dumnidzãsirea vrearea frãtseascã, sh-la vrearea frãtseascã, vrearea. 8Cã, macã tuti aesti virtuti suntu la voi shi s-adavgã, nu va vã-alasã s-vã fãtsets timbelji sh-nifructoshi tu cunushtearea a Domnului a nostru Isus Hristos. 9Cai nu li ari aesti virtuti, easti orbu shi shcurtu-videari, tsi ari agãrshãtã curarea di amãrtiili a lui atseali veclji.
10Trã atsea, frats sh-surãri, cilistisits-vã s-vãrtushits ma multu acljimarea sh-alidzearea a voastrã, cã fãcãnda aesti nu va cãdets vãrã oarã. 11Ashãtsi voi va hits ghini-ashtiptat s-intrats didip tu amirãriljea eternã a Domnului shi a Ascãpãtorlui a nostru Isus Hristos.
Prufitsia a Scrituriljei
12Trã atsea, nu va alas dupã mãnã, ma va vã aduc aminti totãna di aesti lucri, cu tutã cã voi li shtits sh-hits nvãrtushits tu alihea tsi avets tu voi. 13Ma mini minduescu cã easti ndreptu, di cãt chiro escu tu aestu trup, s-vã tsãn dishtiptat aducãnda aminti aesti lucri. 14Mini shtiu cã aĝonjea va u alasã aestã tendã, cum nji-u spusi sh-Domnul a nostru Isus Hristos. 15Trã atsea va mi cilistisescu tsi, sh-dupã fudzirea a mea, voi s-putets s-li adutsets aminti aesti lucri. 16Cã nu vã-u featsim cunuscutã fuchia sh-vinita a Domnului a nostru Isus Hristos, urmãnda pãrãvulii ghini-uidisiti, ma nã featsim martir cu ocljilji a noastri a mãririljei a lui. 17Elu lo tinjii sh-mãriri di la Dumnidzãlu-Tatãl, cãndu lji vini unã ahtari boatsi di Mãrirea Multu-mãrit: “Aestu easti Hiljiu a meu vrut, la cai mini escu arsit.”#Mat 17:1-5; Mrc 9:2-7; Luc 9:28-35. 18Sh-noi u-avdzãm aestã boatsi tsi yinea dit tser, cãndu earam deadun cu nãsu pri muntili atsel sãmtu. 19Noi him sh-ma nvãrtushits la zborlu prufetic, la cai fãtsets ghini s-avets cãshtigã, ca un cãndilã tsi lunjineadzã tu un loc scutinos, pãnã cãndu s-lunjineadzã dzua sh-steaua a dimineatsãljei s-arãsarã tu ininjli a voastri. 20Prindi si shtits prota aestã: cã nitsiunã prufitsii a Scrituriljei nu easti amintat di la achicãsirea a prufitlui. 21Cã nitsiunã prufitsii nu ari vinitã vãrãoarã di vrearea a omlui, ma oaminjlji atselji sãmtsã a Dumnidzãlui au zburãtã, insuflat di Duhlu Sãmtu.
Currently Selected:
2 Petru 1: BLRR
Highlight
Copy
Compare
Share
Want to have your highlights saved across all your devices? Sign up or sign in
