1 Petru 4
4
Bãnari trã Dumnidzãlu
1Trã atsea, metsi Hristolu s-mundui trã noi cu truplu a lui, armãtuits-vã sh-voi cu idyia minduiri, cã atsel cai s-ari munduit tu trup, ascãpã s-amãrtiseascã, 2tra s-bãnats chirolu tsi vã armãni tu trup nu dupã mirãchili a oaminjlor ma dupã vrearea a Dumnidzãlui. 3Trã voi easti nimal chirolu a banãljei tsi tricu trã fãtseari lucrili a pãngãnjilor, imnãnda tu disfãrnari, tu orixi, tu mbitari, tu uspetsi mãri, sh-tu adunari trã mbitari sh-tu idulatrii cacurishti. 4Trã atsea, a lor lã-si pari ti ciudii cã voi nu alãgats ma cu nãshi tu disfãrnãrili a lor, sh-trã atsea vã ngiurã. 5Elji va da lugurii nãintea atsilui tsi easti etimu s-giudicã yiilji sh-mortsãlji. 6Trã aestã, evanghelu s-dimãndã sh-atsilor tsi tora suntu mortsã, tsi elji s-giudicã tu trup ca dupã oaminjlji, ma s-bãneadzã tu duh ca dupã Dumnidzãlu.
7Bitisirea a tutulor easti aproapi. S-hits froninji sh-sirinj shi angajats-vã a rugãciunjilor. 8Pristi tuti, s-avets unã vreari mari trã un-alantu, cã vrearea va s-anvãleascã unã multsãmi di amãrtii. 9S-hits oaspitori cu un-alantu fãrã murmurari. 10Cathiun di voi s-u mpartã cu alantu doara tsi ari loatã ca icunomi bunji a harului di multi soi a Dumnidzãlui. 11Macã vãrã zburashti, s-u facã aestã ca predicarea a Dumnidzãlui. Cai fatsi un huzmitipsiri, s-u facã cu putearea tsi lji da Dumnidzãlu, tsi tu itsido s-multumãreascã Dumnidzãlu prit Isus Hristos, a cui lji easti mãrirea sh-putearea tu eta a etilor. Amin!
12Multu-vruts, nu vã ciudisits di prova a foclui tsi s-apreasi pri voi, sh-cum vã featsi tsiva ti ciudii. 13Ma hãrsits-vã tsi hits parti tu munduirili a Hristolui, tsi sh-la discupirirea a mãririljei a lui s-putets s-vã hãrsits shi s-hits hãroshi. 14Macã vã ngiurã trã numa a Hristolui, cahara di voi, cã Duhlu a mãririljei sh-Duhlu a Dumnidzãlui s-discurmã pristi voi. 15Vãrã di voi s-nu s-mundueascã ca vãtãmãtor, icã ca fur, icã ca fãcãtor di arali, icã tsi s-minteashti tu lucrili a alantsãlor. 16Macã vãrã s-mundueashti ca Crishtin, s-nu aibã arushãni, ma s-alavdã Dumnidzãlu tsi tsãni aestã numã. 17Cã vini chirolu tsi s-ahurheascã giudicata di la casa a Dumnidzãlui. Sh-macã ahurheashti ma nãinti di la noi, cum va hibã bitisita atsilor tsi nu ascultã evanghelu a Dumnidzãlui? 18Shi:
“Macã ndreptul cu zori ascapã,
tsi va s-undzeascã cu nipistimenlu shi amãrtioslu?”#Prov 11:31.
19Trã atsea, sh-atselji tsi s-munduescu dupã vrearea a Dumnidzãlui, si l-pistipseascã a lui suflitli a lor a Fãcãtorlui pistimen, fãcãnda ma buna.
Currently Selected:
1 Petru 4: BLRR
Highlight
Copy
Compare
Share
Want to have your highlights saved across all your devices? Sign up or sign in
