Ai Vola Vakaibalebale 22
22
1A KA digitaki nai rogo vinaka, nai yau levu e segai; a ka digitaki na loloma, na siliva kei na koula e segai.
2A vutuniyau kei na dravudravua era soqoni vata: sa cakavi ira kecega ko Jiova.
3O koya sa yaloqase sa kunea na ca, a sa vuni koya: ia ko ira na tawa vuku era sa lako voli yani, a ra sa cudruvi.
4A kenai sau na yalomalumalumu kei na rerevaki Jiova nai yau, kei na vakarokoroko, kei na bula.
5A kau karokaroa, kei nai cori sa no e nona sala na yaloveve: o koya sa qarauna na yalona ena yawa kina.
6Vakatavulica na gone e na sala e dodonu me lako kina: ia ni sa qase mai, ena sega ni lako tani maikina.
7O koya sa vutuniyau sa lewai ira na dravudravua, a sa kaisi ko koya sa sarava vua sa saravi maikina.
8O koya sa kaburaka nai valavala ca ena tamusuka na ca: nai titoko talega ni nona cudru ena yali.
9O koya sa mata lomasoli ena kalougata; ni sa solia na nona madrai me kedra na dravudravua.
10Vakasevi koya tani na dauveivakalialiai, ena lako tani na veileti; io, ena mudu na veileti kei na madua.
11O koya sa vinakata ni yalosavasava ka tebenigusu loloma, ena veiwekani kaya ko na tui.
12A mata i Jiova sa maroroi ira era lomavuku, a sa vukica ko koya na nona vosa nai valavala ca.
13Sa kaya ko na yalovucesa, A laioni ka tiko maitautuba, kaʼu na mate e nai saqata.
14Sai keli titobu na gusudra na alewai valavala ca: o koya sa cata ko Jiova ena lutu kina.
15A ka lialia sa vauci e lomana na gone; a kuita e veivakavulici ena vakaseva tani vua.
16O koya sai valavala vakaukauwa vua na dravudravua me levu kina na nonai yau, o koya talega sa dausoli ka vua na vutuniyau, erau na dravudravua ga.
17MO vakalakala daligamu, me rogoca na nodra vosa na vuku, ka vakasara na lomamu ki na noqui vakavuvuli: 18ni sa ka kamikamica kevaka ko vakabauta e lomamu; ena rauta talega na tebenigusumu. 19Mo vakararavi kina vei Jiova, kaʼu sa vakatakila kina vei iko e na siga edaidai, io vei iko. 20Au sa vola vei iko na ka talei, e nai vakavuvuli kei na vuku, se segai? 21meʼu vakatakila kina vei iko na kena dinadina nai vakavuvuli dina; mo tukuna rawa nai vakavuvuli dina vei ira era sa talaki vei iko?
22Mo kakua ni butakoci koya sa dravudravua, e na vuku ni sa dravudravua: kakua talega ni valavala vakaukauwa vua sa malumalumu mai na matamata-ni-koro: 23ni sai Jiova ena veilewai e na vukudra, ka vakacacani ira na dauveivakacacani.
24Mo kakua ni ia na veiwekani kei na tamata daucudru; kei koya sa tamata yalo-dauveikata kakua ni ko lako vata kaya: 25do ko vulica na nonai valavala, ka tacori kina na yalomu.
26Mo kakua ni dua vei ira era veitauri liga, sei ira era veiyalayalati wale e na ka e tawa vakaivolitaki: 27kevaka sa sega vei iko na kenai voli, me kauta vakacava ko koya na nomui mocemoce mai rukumu? 28Mo kakua ni kisira tani nai yalayala makawa ni vanua, o koya era lesia ko ira na nomu qase eliu.
29O sa kunea li e dua na tamata dau-gumatua e na nona cakacaka? ena tu ko koya e matadra na tui; ena sega ni tu e matadra na tamata wale.
Currently Selected:
Ai Vola Vakaibalebale 22: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
