Popular Bible Verses from Ai Vola Vakaibalebale 22

Share

Vakatavulica na gone e na sala e dodonu me lako kina: ia ni sa qase mai, ena sega ni lako tani maikina.

A kenai sau na yalomalumalumu kei na rerevaki Jiova nai yau, kei na vakarokoroko, kei na bula.

A KA digitaki nai rogo vinaka, nai yau levu e segai; a ka digitaki na loloma, na siliva kei na koula e segai.

Mo kakua ni ia na veiwekani kei na tamata daucudru; kei koya sa tamata yalo-dauveikata kakua ni ko lako vata kaya

O koya sa mata lomasoli ena kalougata; ni sa solia na nona madrai me kedra na dravudravua.

O koya sa yaloqase sa kunea na ca, a sa vuni koya: ia ko ira na tawa vuku era sa lako voli yani, a ra sa cudruvi.

O koya sa vutuniyau sa lewai ira na dravudravua, a sa kaisi ko koya sa sarava vua sa saravi maikina.

A vutuniyau kei na dravudravua era soqoni vata: sa cakavi ira kecega ko Jiova.

Mo kakua ni butakoci koya sa dravudravua, e na vuku ni sa dravudravua: kakua talega ni valavala vakaukauwa vua sa malumalumu mai na matamata-ni-koro: ni sai Jiova ena veilewai e na vukudra, ka vakacacani ira na dauveivakacacani.