Ai Vola Vakaibalebale 21
21
1A LOMANA na tui sa tiko e na liga i Jiova, me vaka na soniwai: a vanua kece e yalona kina sa vakalesuya ga kina.
2A sala kece ni tamata sa dodonu e matana: ia ka sa vakadikeva ko Jiova na loma ni tamata.
3Me caka dodonu ka lewa dodonu sa vinaka vei Jiova, ka ca nai soro.
4A mata viaviaturaga, kei na yaloviavialevu, ia na nonai yaya na tamata ca, na ka ca.
5A nanuma ni lomana na dautara ka sa kau ga ki na sautu; ia na nodra kecega na lomariri sa kau ga ki na viakana.
6A rawai yau e na yame lasu sa ka tawa yaga e veitosoyaki na nodra era qara na mate.
7A nodrai valavala kaukauwa na tamata ca ena vakarusai ira; e na vuku ni ra bese ni cakava na ka e dodonu.
8Sa ka veve ka vakatani na sala ni tamata: ia ko koya e yalosavasava, sa dodonu na nona cakacaka.
9Sa vinaka ni tiko e na tutu ni dela ni vale, ka ca ni tiko kei na alewa dauveileti e na vale e tawa.
10A yalo ni tamata ca sa gu ki na ca: sa tawa vinakati e matana ko koya na kai nona.
11Ni sa cudruvi na dauveivakalialiai, sa vuku kina na yalowai: ia ni sa vakavulici na yalomatua, sa kila ka kina.
12A yalododonu sa nanuma sara na mataqali ni tamata ca, ni ra vukici na tamata ca e na vuku ni nodra ca.
13O koya sa sogota na daligana ni sa tagi na dravudravua; ena tagi talega ko koya, ka sega ni rogoci.
14A ka e soli e na yasana vuni sa bokoca na cudru: kei na ka ni loloma mai lomasere nai vakamalumu ni cudru kaukauwa.
15Sa ka vakarekireki vua na yalododonu me caka dodonu: ia na rusa ga ena yacovi ira na daucaka ca.
16A tamata ca sa lako sese tani mai na sala vuku, ena tiko ga e na nodrai soqosoqo na mate.
17Ena tamata dravudravua e sa dauvinakata na mamarau: o koya sa dauvinakata na waini kei na waiwai, ena sega ni vutuniyau.
18Enai voli kei koya na yalododonu na tamata ca, na kei koya talega na yalodina na tamata be.
19Sa vinaka ni tiko mai lekutu, ka ca ni tiko kaya na alewa dauveileti ka daucudru.
20Ai yau domoni kei na waiwai sa toka e nonai tikotiko na vuku; ia na tamata lialia sa tiloma sara.
21O koya sa muria nai valavala dodonu kei na loloma, sa na kunea na bula, kei nai valavala dodonu, kei na vakarokoroko.
22A tamata vuku sa kaba na nodra koro na qaqa, ka sa biuta sobu na kena kaukauwa e vakararavi kina.
23O koya sa qarauna na gusuna kei na yamena, sa qarauna na yalona mai na ka rarawa.
24A dauveivakalialiai qaciqacia ka viavialevu na yacana, sa daucudru tiko vakaviavialevu.
25A nona kocokoco na vucesa sa mate kina ko koya; ni sa bese ni cakacaka na ligana: 26e na siga kecega ka bogi sa daukocokoco ko koya: ia na tamata yalododonu sa dausoli ka ka tawa cegu.
27A nodrai soro na tamata ca sa ka vakasisila: ka vakalevu, ni sa nanuma ca ni sa kauta mai.
28A dautukutuku lasu ena rusa: ia na tamata sa vakarorogo tiko ena tawa mudu ni tukutuku.
29A tamata ca sa vaqaqataka na matana: ia na yalododonu, sa vakarautaka ko koya na nona sala.
30Sa sega na vuku, se na yalomatua, se na bose me ia kei Jiova.
31A ose sa vakarautaki ki na siga ni valu: a sa maivei Jiova ga na bula.
Currently Selected:
Ai Vola Vakaibalebale 21: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
