Ai Vola Vakaibalebale 23
23
1NI drau sa tiko me kana kei na turaga, mo nanuma matua na ka sa tu e matamu: 2ka taura nai sele ki na nomui tilotilo, kevaka ko sa tamata daugarogaro: 3kakua ni ko garova na nona kakana vinaka: ni sa kakana veivakaisini.
4Mo kakua ni gu me vutuniyau: mo cegu ni muria na nomu vuku. 5O na solia beka na matamu me vukaca na ka sa sega? ni sa cakava vakaidina na tabana nai yau; me vaka na ikeli, sa vuka tani na ka o qori kivakaki lomalagi. 6Kakua ni ko kania na nona madrai sa mata kocokoco, kakua talega ni ko garova na nona kakana vinaka: 7ia na ka sa nanuma na lomana, sai koya ga: sa kaya vei iko, Mo kana ka gunu: ia na lomana sa sega ni tiko kei iko: 8a tiki ni ka ko sa kania ko na luaraka tale, ka vakayalia na nomu vosa vinaka.
9E daligana na lialia mo kakua ni vosa: ni na beca na nomui vakavuvuli vuku.
10Mo kakua ni kisira tani nai yalayala makawa ni vanua; ia na nodra veiwere na luveniyali kakua ni ko curuma: 11ni sa wekadra ko Koya sa Kaukauwa; sai koya ena veilewai kei iko e na vuku ni nodra ka.
12Mo vaqara na lomamu ki nai vakavuvuli, kei na daligamu ki na vosa vuku.
13Mo kakua ni tarova na kuita mai vua na gone; ia ni ko yavita e nai titoko, ena sega ni mate. 14Mo yaviti koya e nai titoko, ia ko na vakabula kina na yalona mai na cudruvi ki eli.
15Na luvequ, kevaka ena vuku na lomamu, ena reki na yaloqu dina koi au: 16io ena reki na noqui ivi, ni sa vosataka na ka dodonu na tebenigusumu.
17Me kakua ni vuvutaki ira nai valavala ca na lomamu; ia mo rerevaki Jiova tiko e na siga kecega ka bogi: 18ni sa tu dina na kenai sau; ia na ka ko namaka ena sega ni muduki tani.
19Mo vakarorogo, na luvequ, mo vuku, ka tubera na lomamu e na sala. 20Mo kakua ni tiko kei ira era daugunu waini, kei ira era daukusikusima: 21ni rau na vakadravudravuataki na daumateni kei na daukana: ia e na ka kadresu ena vakaisulu kina na tamata ni sa daumoce.
22Mo vakarorogo vua drau sa veita-mani dina kaya, kakua talega ni ko beci tinamu ni sa qase mai. 23Mo volia na dina, ka kakua ni volitaka; navuku talega, kei nai vakavuvuli, kei na yalomatua. 24Ena reki vakalevu na tamana na yalododonu: o koya erau vei tamani kei na gone vuku ena nona kina na marau: 25erau na reki ko tamamu kei tinamu, io ena ladelade ko koya ka vakasucumi iko.
26Mo solia, na luvequ, na lomamu kivei au, ia na matamu me vakabauta ga na noqu sala. 27Ni sai keli titobu na alewa dauyatagane; kai keli qiqo na alewai valavala ca. 28Sa lawa koto talega ko koya me vaka na daubutako, ia ko ira na tamata era dautalaidredre sa ra lewe vuqa kina mai.
29O cei sa vakaule? o cei sa rarawa? o cei sa veileti? o cei sa dauvosavosa? o cei sa vuetaki wale? o cei sa damudamu na matana? 30O ira era daudede ni ra gunu waini tiko; o ira era laʼki qara waini sa veiwaki vata. 31Kakua ni ko qoroya na waini ni sa damudamu, ni sa roka vinaka mai e na bilo, ka vinaka na kena gunuvi. 32Ni sa oti, sa kata me vaka na gata, ka veicula me vaka na gata dauvei-kata. 33A matamu ena kunei ira na alewa tani, ia na lomamu ena cavu ka vakatani: 34io ko na vaka ga e dua sa koto e loma ni wasawasa, se dua sa davo tu e na dela ni vana: 35o na kaya, Era a yaviti au, ia kaʼu sa sega ni malumalumu; era sa mokuti au, kaʼu a sega ga ni kila: kaʼu na yadra li ninaica? kaʼu na baki qara tale.
Currently Selected:
Ai Vola Vakaibalebale 23: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
