Ai Vola I Isaia, na Parofita 6
6
Sa raica ko Isaia nai ukuuku i Jiova, a sa rere ka veivutuni mai, a sa qai vakaukauwataki koya na Kalou ki na nona cakacaka, 1-8. A nodra dautalaidredre, kei na nodra daucudruvi na kai Jutia, 9-12. Ena bula ga na kedra vo, 13.
1E NA siga sa mate kina ko Usiya na tui kaʼu a raica na Turaga ni sa tiko e nai tikotiko vakaturaga, sa cecere ka laveti cake, a sa sinai na vale ni soro e na bele ni nonai sulu. 2Era sa tu ecake vei koya ko ira na serafimi: sa yaono na tabadra; e rua sa tabonaka kina na matana, e rua sa tabonaka kina na yavana, ka sa rua sa vuka kina. 3A ra sa veikacivaki, ka kaya, E dodonu, e dodonu, e dodonu, ko Jiova ni lewe vuqa: sa sinai ko vuravura kecega e na nonai ukuuku. 4A sa yavala na duru ni katuba e na domo i koya sa kaci, a sa sinai na vale e na kubou. 5Au a qai kaya, Ule koi au! niʼu sa ca; niʼu sa tamata tebenigusu qeleqelea, au sa tiko talega kei ira na tamata tebenigusu qeleqelea: ni sa raica na Tui ko Jiova na mataqu. 6Sa qai vuka mai vei au e dua vei ira na serafimi, a sa taura e ligana na qilaiso ni buka waqa, e sa kauta e nai saga mai nai cabocabo-ni-soro: 7a sa tara kina na gusuqu, ka kaya, Raica, sa tau o qo ki na tebenigusumu; a sa takali na nomu caka cala, ka bokoci na nomui valavala ca. 8Au a qai rogoca na domo ni Turaga, ni sa kaya, O cei meʼu tala, ia ko cei ena lako e na vuku i keitou? Au a qai kaya, Oi au o qo; mo talai au. 9A sa kaya ko koya, Mo lako, ka kaya vei ira na tamata o qo,
Dou na rogoca tikoga, ka lecava ga; ia dou na raica tikoga, ka sega ga ni kunea. 10Mo cakava na yalodra na tamata o qo me uro, kei na daligadra me didivara, kei na matadra me bobo; de ra rai e matadra, ka rogo e daligadra, ka kila e lomadra, ka saumaki mai, ka vakabulai. 11Au a qai kaya, Me cava na kena dede, Turaga? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi, 12ka me na kauti ira vakayawa tani mada na tamata ko Jiova, me sa levu na tikina e biu laivi e loma ni vanua. 13Ia ka sa na vo tu kina na kenai katini, a ra na lesu mai, me vakarusai tale: ia me vaka na paini, kei na oki, a ya ni sa tavakabalei no sa bula tu na vuna: sa vakakina na kawa tabu ena vuna sa bula tu.
Currently Selected:
Ai Vola I Isaia, na Parofita 6: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
