Popular Bible Verses from Ai Vola I Isaia, na Parofita 6

Share

Au a qai rogoca na domo ni Turaga, ni sa kaya, O cei meʼu tala, ia ko cei ena lako e na vuku i keitou? Au a qai kaya, Oi au o qo; mo talai au.

A ra sa veikacivaki, ka kaya, E dodonu, e dodonu, e dodonu, ko Jiova ni lewe vuqa: sa sinai ko vuravura kecega e na nonai ukuuku.

Au a qai kaya, Ule koi au! niʼu sa ca; niʼu sa tamata tebenigusu qeleqelea, au sa tiko talega kei ira na tamata tebenigusu qeleqelea: ni sa raica na Tui ko Jiova na mataqu.

E NA siga sa mate kina ko Usiya na tui kaʼu a raica na Turaga ni sa tiko e nai tikotiko vakaturaga, sa cecere ka laveti cake, a sa sinai na vale ni soro e na bele ni nonai sulu.

a sa tara kina na gusuqu, ka kaya, Raica, sa tau o qo ki na tebenigusumu; a sa takali na nomu caka cala, ka bokoci na nomui valavala ca.

Era sa tu ecake vei koya ko ira na serafimi: sa yaono na tabadra; e rua sa tabonaka kina na matana, e rua sa tabonaka kina na yavana, ka sa rua sa vuka kina.

Sa qai vuka mai vei au e dua vei ira na serafimi, a sa taura e ligana na qilaiso ni buka waqa, e sa kauta e nai saga mai nai cabocabo-ni-soro

A sa kaya ko koya, Mo lako, ka kaya vei ira na tamata o qo, Dou na rogoca tikoga, ka lecava ga; ia dou na raica tikoga, ka sega ga ni kunea.

Mo cakava na yalodra na tamata o qo me uro, kei na daligadra me didivara, kei na matadra me bobo; de ra rai e matadra, ka rogo e daligadra, ka kila e lomadra, ka saumaki mai, ka vakabulai.