Ai Vola I Isaia, na Parofita 35
35
Ena ka bulabula tara na matanitu ni Mesaia, 1, 2. Era sa vakaukauwataki na yalolailai e na vuku ni ka vinaka sa yalataki vei ira era vakabauti koya nai Vakabula, 3-10.
1ENA reki e na vuku ni ka o qo na lekutu kei na vanua dravuisiga; ia na veikau ena marau, ka se me vaka na rose. 2Ena se ka beta, ena reki talega, io, e na marau kei na meke: ena soli kina nai ukuuku vaka-Lipanoni, na matavinaka vaka-Karimeli ka vaka-Saroni: era na raica nai ukuuku i Jiova, na kena vinaka ni noda Kalou. 3Dou vakaukauwataka na liga e malumalumu, ka vakataudeitaka na duru sa yavala. 4Dou kaya vei ira era yalolailai, Dou kaukauwa, dou kakua ni rere: raica na nomudou Kalou; ena yaco mai na veisaumi, na veisaumi e sa ia na Kalou; ena lako mai ko koya ka vakabulai kemudou. 5Ena qai rai na matadra na mataboko, ka rogo na daligadra na didivara. 6Ena qai ladelade na lokiloki me vaka na koti kila, ka mekemeke na yamedra na galu: ni na vure mai na wai mai na lekutu, kei na uciwai e na vanua dravuisiga. 7Ia na nuku kata ena yaco me drano, kei na qele viagunu mei vurevure ni wai: na tikina ni wolifa, era daukoto kina, ena vanua veigasau ka veikuta. 8Ia ena dua kina na sala cecere, kei na salatu: ena vakatokai Na sala tabu; ena sega ni lakova e dua na ka tawa savasava; ena lako vata ko Koya kei ira era sa muria na sala, ia ko ira na sesewa era na tawa lako sese kina. 9Ena sega maikea e dua na laioni, se dua na manumanu kata me cabeta, se me kune kina: o ira ga era sa vakabulai era na lako tu kina. 10Ia ko ira sa vakabula ko Jiova era na lesu mai, ka tadu mai ki Saioni ka meke tu, ia na reki tawa mudu ena tauca na uludra: ena vauci ira mai na reki kei na marau, ia na rarawa kei na tagi ena dro tani yani.
Currently Selected:
Ai Vola I Isaia, na Parofita 35: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
