Ai Vola I Isaia, na Parofita 34
34
A ka ca sa lewai me yacova na veimatanitu sa veimecaki kei nai vavakoso lewe ni soro, era na vakarusai sara, 1-15. Ena yaco dina na ka sa tukuni, 16, 17.
1DOU toro mai, na lewe ni veimatanitu, me rogoca; ia dou vakarorogo, na veimataqali: me rogoca ko vuravura, kei na ka sa sinai kina; na veivanua, kei na ka kece sa tubu maikina. 2Ni sa cudru ko Jiova vei ira kecega na veimatanitu, a sa lesavi ira na nodra mataivalu kecega: sa lesi ira me ra rusa sara, sa soli ira me ra vakamatei. 3Ena biuti kitautuba na nodra moku, ena kuvu cake na kena bona ni yagodra; ia na veiulu-ni-vanua ena waicala e na kedra dra. 4Ena waicala yani na kalokalo kecega ni lomalagi, ka vivigi vata na lomalagi me vaka nai vola balavu: ena lutu mai na kalokalo kecega, me vaka sa mira mai na drau ni vaini, ka vaka sa qeqera mai na vua ni lolo. 5Ni sa mateni mai lomalagi na noqui seleiwau; raica, ena tauci Itomi, kei ira na mataqali kaʼu sa lesia me rusa. 6Sa mamau nai seleiwau i Jiova e na dra; sa boro e na uro, e na dra ni lami kei ni koti, e na uro ni ivi ni sipi atagane: ni sa dua nai madrali nei Jiova mai Posira, kei na veivakamatei levu mai na vanua ko Itomi. 7Ia na yunikoni ena bale vata kei ira, kei na karavau sa sele kei na karavau atagane; ena to na nodra vanua e na dra, ka uro mai na nodra kuvu-ni-soso e na uro. 8Ni sa kena siga sa saumi koya kina ko Jiova, na yabaki ni veisaumi e na vuku i Saioni. 9Ia na kena uciwai ko Itomi ena vuki me makadre, kei na kena kuvu-ni-soso me sulifure, ia ena yaco me makadre waqa na kena qele. 10Ena sega ni bokoci e na siga se na bogi; ena kuvu cake ka tawa mudu na kena kubou: ena lekutu tu e na veitabamata kecega; ena sega ni lako voli kina e dua e na dua na gauna. 11Ena qai kenai taukei na pelikani kei na belo; ena tiko kina na lulu kei na reveni: ena dreta e delana ko koya na dali i vakarau ni veivakarusai, kei na vatu i vakarau ni veivakalalataki. 12A kena turaga era na kacivi mai ki na matanitu, ka sa sega kina; a ra sa yali kecega na nona gone vakaturaga. 13Ena tubu e na nona vale vakaturaga na wa vakavotona; na salato kei na soni e na nona koro kaukauwa: ena nodrai tikotiko na wolifa, kei na nodra rara na ositereji. 14Ena sota kina na manumanu ni lekutu kei na koli kila; ena kaciva na kenai sa na koti kila; ena tiko talega maikea na lulu, ka kunea na nonai vakavakacegu. 15Ena cakava maikea na nonai sova na lulu levu, ka vakasucu, ka saulaka, ka ovica; ena soqoni talega maikea na vulituri, yadua kei na kenai sa.
16Dou qara e nai vola i Jiova, ka wilika: ena sega ni yali e dua vei ira o qo; ena sega e dua me yali na kenai sa: ni sa gusuqu sa vakarota, ia na Yalona sa vakasoqoni ira mai. 17A sa ia na veidigidigi vei ira ko koya, a sa vota vei ira e na ligana e na dali i vakarau: era na taukena ka tawa mudu, era na tiko kina mai nai tabatamata ka yacova nai tabatamata.
Currently Selected:
Ai Vola I Isaia, na Parofita 34: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
