Popular Bible Verses from Ai Vola I Isaia, na Parofita 35

Share

Ia ko ira sa vakabula ko Jiova era na lesu mai, ka tadu mai ki Saioni ka meke tu, ia na reki tawa mudu ena tauca na uludra: ena vauci ira mai na reki kei na marau, ia na rarawa kei na tagi ena dro tani yani.

Dou vakaukauwataka na liga e malumalumu, ka vakataudeitaka na duru sa yavala. Dou kaya vei ira era yalolailai, Dou kaukauwa, dou kakua ni rere: raica na nomudou Kalou; ena yaco mai na veisaumi, na veisaumi e sa ia na Kalou; ena lako mai ko koya ka vakabulai kemudou.

Ia ena dua kina na sala cecere, kei na salatu: ena vakatokai Na sala tabu; ena sega ni lakova e dua na ka tawa savasava; ena lako vata ko Koya kei ira era sa muria na sala, ia ko ira na sesewa era na tawa lako sese kina.

Ena qai rai na matadra na mataboko, ka rogo na daligadra na didivara.

Ena qai ladelade na lokiloki me vaka na koti kila, ka mekemeke na yamedra na galu: ni na vure mai na wai mai na lekutu, kei na uciwai e na vanua dravuisiga.