A Nonai Vola Na Dauvunau 11
11
Sa rotaki nai valavala loloma, 1-6; kei nai e valavala vuku, ni sa bera mai na gauna ni rarawa, 7, 8; o ira na cauravou me vakarau ki na siga ni lewa, 9, 10.
1MO kaburaka na nomu sila ki na dela ni wai: ni sa oti na bogi e vuqa ko na qai kunea tale. 2Mo votai ira na lewe vitu, io na lewe walu; ni ko sa sega ni kila na ca ena tubu e vuravura. 3Ke sa sinai na uca e na o, ke sa tau mai ki vuravura ka maca: ia ke sa bale na kau ki na mata ni ceva, se na mata ni tokalau, na yasana sa bale ga kina na kau, ke sa maikea ena koto kina. 4O koya sa nanuma na cagi ena sega ni kaburaka na sila; kei koya sa vakaraica na o ena sega ni tamusuka. 5Me vaka ko sa sega ni kila nai lakolako ni yalo, se sa tubu vakaevei na sui e na kete i koya sa bukete: sa vakakina ko sa sega ni kila na cakacaka ni Kalou ko koya sa cakava kecega. 6E na sabogibogi mo kaburaka na nomu sila, ia e na yakavi me kakua ni cegu na ligamu: ni ko sa sega ni kila se cava vei rau ena yaco, se na ka o qo se na ka ko ya, se na vinaka tautauvata ruarua ga.
7IA na ka vinaka sara na rarama, kei na ka domoni e matada me raica na mata-ni-siga: 8ia kevaka sa yabaki vuqa nona bula na tamata, ka sa rekitaka kecega; me nanuma ga ko koya na veisiga butobuto; ni na vuqa. O koya sa na muri mai na ka walega.
9Mo reki, na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni sa ka kece o qo ena lewai iko kina na Kalou. 10Ia mo biuta tani kina na ka rarawa mai na lomamu, ka vakatala tani na ca mai na yagomu: ni sa ka walega na gauna e sa gone ka cauravou kina na tamata.
Currently Selected:
A Nonai Vola Na Dauvunau 11: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
