Popular Bible Verses from A Nonai Vola Na Dauvunau 11

Share

Mo reki, na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni sa ka kece o qo ena lewai iko kina na Kalou.

Ia mo biuta tani kina na ka rarawa mai na lomamu, ka vakatala tani na ca mai na yagomu: ni sa ka walega na gauna e sa gone ka cauravou kina na tamata.

O koya sa nanuma na cagi ena sega ni kaburaka na sila; kei koya sa vakaraica na o ena sega ni tamusuka.

Me vaka ko sa sega ni kila nai lakolako ni yalo, se sa tubu vakaevei na sui e na kete i koya sa bukete: sa vakakina ko sa sega ni kila na cakacaka ni Kalou ko koya sa cakava kecega.

E na sabogibogi mo kaburaka na nomu sila, ia e na yakavi me kakua ni cegu na ligamu: ni ko sa sega ni kila se cava vei rau ena yaco, se na ka o qo se na ka ko ya, se na vinaka tautauvata ruarua ga.

Mo votai ira na lewe vitu, io na lewe walu; ni ko sa sega ni kila na ca ena tubu e vuravura.