A Nonai Vola Na Dauvunau 10
10
Sa tukuni na vuku kei na sesewa, 1-15; kei nai valavala ni tui sa gone ga, 16, 17; kei na vucesa, 18; kei nai lavo, 19. Me kakua ni vosacataki na tui, 20.
1A LAGO sa mate sa vakaboicataka na waiwai e vakaisaluakitaki vakamatai: sa vakakina na lialia lailai vua sa rogo ni vuku ka dokai.
2A lomana na vuku sa tiko ki ligana i matau; ia na lomana na lialia ki ligana i mawi.
3Io, e na gau ni sala talega ni sa lako tu na lialia, ka sa yali ga kina vua na vuku, ka sa tukuna ki na tamata kecega ni sa lialia ko koya.
4Kevaka sa tubu vei iko na lomana na turaga, kakua ni ko biuta na nomu yasana; ni na bokoci nai valavala ca levu e na vakamalumalumu. 5Sa dua na ka ca kaʼu sa kunea e ruku ni siga, ia na caka cala sa taka mai vua na turaga: 6sa lesi na ka lialia me tiko vakaturaga, ia ko ira na vutuniyau era sa tiko vakaisi. 7Au a kunei ira na tamata wale ni ra sa vodo lako e na ose, kei ira na turaga ni ra lako tu me vaka na tamata wale e dela i vuravura.
8O koya sa kelia nai keli ena lutu kina; kei koya sa basuka na bai, ena kati koya na gata.
9O koya sa tala vatu ena lauti kina; o koya sa tasea na kau ena sa ca beka kina.
10Ke sa mucu na matau, ka sa sega ni solota na batina ko koya, ke sa qai tavaka vakaukauwa: ia ka sa yaga e na lelewa na vuku.
11E dina ena veikata na gata kevaka sa sega e vakadula; a sa sega ni vinaka cake ko koya sa dauvosa. 12A vosa ni gusuna na tamata vuku na vosa vinaka; ia na tebenigusuna na lialia ena tilomi koya vakai koya: 13ai vakatekivu ni vosa ni gusuna na ka lialia: ia nai otioti ni nona vosa na lialia ca sara. 14Ia na yalolialia sa dauvosavosa: sa sega ni kila rawa na tamata na ka ena yaco; ia na ka ena muri mai, ko cei me veitukuni rawa? 15A nodra cakacaka na lialia sa ka veivakaocai sara; ni sa sega ni kila na lako ki na koro.
16Ena ca vei iko, na vanua, ni sa nomu tui na gone, ka ra sa kana tiko e na mataka ko ira na nomu turaga! 17O sa kalougata, na vanua, ni sa nomu tui na gone vakaturaga, ka ra sa kana e na gauna e dodonu kina ko ira na nomu turaga, me ra kaukauwa, ka sega me ra mateni!
18E na vuku ni vucesa sa daurusa na vale; kei na vuku ni vakasavo liga sa dau-turu na vale.
19Sa caka na solevu me ia kina na dredre, a sa ka ni mamarau na waini: ia nai lavo ga sa rawa kina na ka kecega.
20Mo kakua, io e lomamu walega, ni ko vosavakacacataki koya na tui; mo kakua talega e nomu vale ni moce ni ko vosavakacacataki koya sa vutuniyau: ni sa dua na manumanu ni lomalagi ena kauta nai rogo, ia na ka sa vakatabana ena tukuna na ka o qori.
Currently Selected:
A Nonai Vola Na Dauvunau 10: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
