A Nonai Vola Na Dauvunau 12
12
Sa dodonu me nanumi taudonu ko Koya ka Buli keda, 1-7; sa gumatua na Dauvunau e na veivakatavulici, 8-12; ai vakataotioti ni nonai vola, 13, 14.
1O KOYA ka Buli iko mo nanuma ga kina ni ko sa cauravou tiko, ni sa bera ni yaco na veisiga ca, ka tawa toro mai na veiyabaki, ko na kaya kina, Sa sega e na ka o qo meʼu sa vinakata; 2ni sa tawa butobuto mai na mata-ni-siga, se na rarama, se na vula, se na kalokalo; ka sega ni daulesu tale mai na o ni sa tau oti na uca; 3na siga era na sautaninini kina nai vakatawa ni vale, ka cuva na tamata kaukauwa, ka cegu tiko ko ira na dauqaqi sila ni ra lewe lailai, ka butobuto mai na daurai ka mai na katuba, 4ka sogo tu na matamata-ni-koro, ka domo lailai mai na dauqaqi sila, ka sa yadra caka ko koya ni sa tagi na manumanu, ka sa malumalumu kece mai na gonealewa daumeke, 5ni ra na sa rerevaka talega na ka cecere, ka ra daurere lako e na gau ni sala, ka sa se mai na amodi, ka sa ka bibi na vodre, ka sa mudu mai na gagaro ka: e na vuku ni sa lako na tamata ki nona vale tawa mudu, ka ra sa lako voli e na sala ko ira na dautagi yaso: 6ni sa sega ni tasere na dali siliva, se kavoro na bilo koula, se katebe na bilo mai nai vurevure, se ramusu na ka e tamoi mai nai keli wai: 7sa na qai lesu na kuvu-ni-qele me qele tale me vaka eliu: ia na yalo ena lesu tale vua na Kalou o koya ka solia.
8A ka wale ni ka wale! sa kaya ko koya na Dauvunau; sa ka wale kecega! 9E na vuku talega ni sa vuku na Dauvunau, sa vakatavulici ira tiko na tamata me ra kila ka; io, sa vakarorogo, ka vakasaqara matua, ka vakadodonutaka na vosa vakaibalebale e vuqa. 10A sa vakasaqara na Dauvunau me kunea na vosa vinaka: ia na ka sa volai na ka dodonu, io na vosa dina. 11A nodra vosa na vuku sa vaka na mata ni moto, kei nai vako sa vakataudeitaka ko ira na turaga ni soqosoqo, na ka sa solia mai ko koya nai vakatawa e lewe dua. 12A ka sa vo, na luvequ, mo vakasalataki e na ka o qo: sa sega ni oti rawa na daucakai vola; ia na dauwili vola sa ka veivakaocai ki na yago.
13Tou rogoca nai tinitini ni ka kecega o qo: Mo rerevaka na Kalou, ka vakabauta na nona vunau: ni sai koya ga o qo nai tavi taucoko ni tamata. 14Ni na lewa na cakacaka kecega na Kalou, ia kei na ka vuni kecega, se vinaka, se ca.
Currently Selected:
A Nonai Vola Na Dauvunau 12: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
