A Nonai Vola Na Dauvunau 1
1
A WASE I. —O koya na dauvunau sa vakatakila na kena tawa yaga nai valavala ni tamata, kei na kena tawa dei na ka vakavuravura, 1-8. Sa sega na ka vou, 9-11. Sa tukuni koya na dauvunau, kei na nona qara na vuku, 12-18.
1A NONA vosa na Dauvunau, na luve i Tevita, na tui Jerusalemi. 2Sa kaya na Dauvunau, Na ka wale sara! na ka wale sara! sa ka wale kecega!
3A cava kena yaga vua na tamata na nona cakacaka kecega sa cakava e ruku ni siga? 4Sa lako yani e dua nai tabatamata, a sa lako mai e dua tani tale nai tabatamata: ia ko vuravura sa tu ga ka tawa mudu. 5Sa daucadra talega na siga, a sa daudromu na siga; a sa lako vakusakusa ki na yasana ka cadra kina: 6Sa lako kivakaki na ceva, ka lako voli kivakaki na tokalau. Sa veisukayaki tikoga na cagi, a sa lesu tale me vaka na kenai lakolako. 7Sa dave tiko ki waitui na veiuciwai kecega: a sa sega ni sinai na wasawasa; ki na tikina sa daudave maikina na veiuciwai, sa daulesu tale voli kina. 8Sa levu na oca e na ka kecega; sa dredre vua na tamata me tukuna: sa sega ni mamau ko mata ni sa rai ca, se cegu ko daliga ni sa rogoca.
9A ka sa tiko eliu, sai koya ga ena tiko maimuri; kei na ka sa caka eliu, sai koya ga ena caka maimuri: a sa sega na ka vou e ruku ni siga. 10E dua li na ka me kainaki kina, Raica, o qo na ka vou? sa ka mailiu sara ga, e na gauna ka liu vei keda. 11Sa tawa nanumi na ka makawa; ia na ka sa na tubu emuri era na tawa nanuma kina ko ira era na muri sara.
12Oi au na Dauvunau kaʼu a tui Isireli mai Jerusalemi. 13Ia kaʼu a solia na lomaqu meʼu qara ka vakataroga vakavuku e na ka kecega sa caka e ruku ni lomalagi: na ogaoga dredre o qo sa solia na Kalou vei ira na luve ni tamata me ra veiogai kina.
14Au sa raica oti na cakacaka kecega sa caka e ruku ni siga; ka, raica, sa ka wale kecega kei na ocaoca wale. 15Na ka sa takelo sa sega ni vakadodonutaki rawa: kei na ka sa yali sa sega ni wiliki rawa. 16Au a veinanuyaki e yaloqu, ka kaya, Raica, kaʼu sa levu mai, ka vuku vakalevu cake vei ira kecega era sa liu vei au e Jerusalemi: io na lomaqu sa kunea vakalevu na vuku kei na kila ka. 17Ia kaʼu a solia na yaloqu meʼu kila nai valavala vuku, kei nai valavala lialia ka sesewa: kaʼu sa kunea ni sa ocaoca wale na ka talega o qo: 18ni sa levu na rarawa e na vuku levu: ia ko koya sa vakaikuritaka na vuku sa vakaikuritaka kei na rarawa.
Currently Selected:
A Nonai Vola Na Dauvunau 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
